tag:blogger.com,1999:blog-79421789408546517232024-03-07T11:19:54.975+01:00El Xanu'l CaborniuLluis de Turiellos http://www.blogger.com/profile/03418614416333440672noreply@blogger.comBlogger637125tag:blogger.com,1999:blog-7942178940854651723.post-16436892286113665922024-03-07T11:13:00.001+01:002024-03-07T11:19:22.531+01:00Marzu nialarzu<div style="text-align: left;">De tolos seres que moramos na Viesca Dayuri'l más vieyu ye'l busgosu Potrosu. A lo llargo la so vida percorrió abondos llugares de nuestro hasta acabar nesta viesca. Vive allá pa la picorota'l monte, porque se siente más guarecíu na so vieyera. Diz él que ñació y crióse como llangreanu y conoz bien de coses d'esti conceyu. Tamién anda'l probe bien tronáu. Ta coxu desque, allá de los tiempos, un cazador furtivu-y aperrillare nuna pierna y tarabica sofitándose nun cayáu. Tien medio mochu un cuernu. Tuse y resolla cuando s'esfuerza y tien que poner procuru colo que come pa que nun-y pinte mal. Pero aguanta como un campeón y anda perhí moviéndose tovía pel monte y poniéndo-yos enagora trampes a los furtivos, que nun ye la primer vez nin va ser la última que pasa glayando dalgún d'ellos pol sapiazu que se metió al zarapicar con dalguna de les sos engataes.</div><div style="text-align: left;"><br /></div><div style="text-align: left;">Pues ello ye que taba yo esta mañana sentáu cabo'l caborniu poniendo unes canteses a unes madreñes cuando sintí tusir. Miré p'allá y vi a Potrosu sentáu nuna piedra descansando mientres me capiaba. Entós eche-y voz y averóse pa min resollando y echando les manes al renaz y ponse él:</div><div style="text-align: left;"> </div><div style="text-align: left;">-Qué tal, Xanu. Escurrí hoi venir a visitate pa echar una rocada contigo, que cuantayá que nun te veía. Pero cansé abondo pel camín, y pa detrás, empicipió a doleme'l renaz. Siempre sintí de rapacín a los mayores dicir que la vieyera ye mui mala, ¡y mialma qué razón teníen, rediós! Nun para ún de tener goteres.</div><div style="text-align: left;"><br /></div><div style="text-align: left;">Entós apurri-y un tayuelu pa que se sentare y tamién una escudiella con caldín de pita pa qu'entonare'l butiellu. Y dixi-y yo:</div><div style="text-align: left;"><br /></div><div style="text-align: left;">-Bono, Potrosín, pues como aportasti pequí voi aprovechar pa que me fales un pocoñín del conceyu llangreanu, que pa conocer los sitios de la nuestra tierra asturiana, poca xente ye más afayadiza que tu que te tienes movío per tolos requexos, hom.</div><div style="text-align: left;"> </div><div style="text-align: left;">-Pues mira, anuncies escrites del llugar yá tenemos de magar les dómines del rei asturianu Ordoño I. Fixo naquel entós delles donaciones y fala, por exemplu, d'una en Santolaya, nel conceyu de Llangréu, onde yá había devoción por esta santa que foi patrona d'Asturies y tamién de la diócesis au sigue siéndolo anguaño. Hai quien asitia per estes tierres nel llugar d'Olalies, que nun ye otra cosa má Olaya, la derrota de Munuza cuando fuxía buscando la meseta tres la batalla de Cuadonga. Nel sieglu XI hubo un pleitu ente unos infanzones del llugar y el mesmu rei Alfonso VI, que lu acompañó'l Cid nello, porque donare'l conceyu al obispáu y ellos nun queríen, pero nun fueron pa tornar qu'asocediere. Por ello nel escudu llangreanu figuren la cruz de los ánxeles nun de los cuarteles y unos yelmos notru. Pero, cuando yo yera guah.ucu tocóme vivir un fechu perimportante. Foi cuando-y concedieron a esti conceyu, la so carta puebla, allá pel añu de mil trescientos trenta y ocho. Daquella, como te dixi, yeren tierres del obispáu y apaecen mencionaos datos perinteresantes. Por exemplu, los montes, celleros, préstamos y yugueríes de Frieres, Amena,
San Pedro de Vivallo, San Antonio de Riañu, Santolaya de la Puente d'Oturiellos, Barros, la Veiga de Ciañu, San Miguel de Lada, San
Martino del rei Orellán, Santo Estevano de Ciañu, Santa María de Vimel...Y otru fechu que rescampla ye que tenemos anuncia de que los vecinos aconceyaben, a toque de turullu, na Puente d'Oturiellos o Turiellos pa escoyer xueces, alcaldes, tratar de los temes que-yos fincaben...y venía a aconceyar tamién con ellos dacuando, nesi llugar, el propiu Obispu o quien él mandare pa representalu. Esa puente, de seis güeyos y más de cien metros, considerada la mayor d'Asturies naquel entós, yera un llugar de pasu mui importante pa los que veníen dende la meseta, camín d'Uviéu o de la costa, como asina lo afitó nel so tiempu la propia Xunta Xeneral cuando mandó iguala. Una riada qu'esvió'l ríu nel sieglu XVII dexóla ensin función y sumióse col tiempu<br /></div><div style="text-align: left;"> </div><div style="text-align: left;">-¡Arreniego del demoniu! -dixi yo interrumpiendo al mio amigu busgosu- yes como una enciclopedia andante, cho. Tiénesme ablucáu. </div><div style="text-align: left;"><br /></div><div style="text-align: left;">-Ye que sabe más el busgosu por vieyu que por busgosu, imitando al dichu. Y que nun se m'escaeza una cosa más. Va unos años valtaron una casa nel actual barriu d'El Puente y apaeció una ventana perguapa d'otra casa que tien un dintel blasonáu coles armes de Bernaldo de Quirós, a los llaos una cruz y una aspa y, nes esquines, dos xarrones con flores.Vinieron a datalo y camienten que la edificación ye de los sieglos XIV o XV, lo que l'asitiaría nes domines de la carta puebla y la puente romana que te dixi enantes, puente que pudiere ser del sieglu II según dellos, pero tamién medieval, qu'eso de romano ye una denominación popular pa referise a pontes antigües de piedra y con arcos.Y lo de la cruz y l'aspa a los llaos del escudu coincide con otru dintel talláu con un otru escudu y estos dos elementos nel pueblu llangreanu de Pozobal, nesti casu l'aspa asemeya a dos güesos cruzaos. Desconozo a qué se debe esa coincidencia. Sobra que te diga qu'anguaño, esa ventana ta atarraquitada de maleza, col bistechu esgonciáu y ensin que nenguna autoridá ponga nin un rispiu d'interés en conservala.Y pa poner el ramu a la mio parrafada, voi dicite que'l topónimu Pozobal ta relacioáu con un sitiu onde, antiguamente, facíen trampes pa tornar a los llobos. Pero, Xanu, agora tócate a ti da-y a la parpayuela. Como nun soi pa moveme como notros tiempos, gustaríame que me contares cómo van les coses pela Viesca Dayuri, qu'hai bien de sitios onde yá tarrezo a embute empobinar p'allá.</div><div style="text-align: left;"> </div><div style="text-align: left;">-Pues pequí empobinamos, pali que pali, pa la primavera, como yá persabes tu, que pa eso yes busgosu. Emprimen a espertar los árboles, salen los brotos, guañen los nuevos, los más madrugadores yá floriaron. Y tamién ta l'aquello de que tamos en Marzu niarzu, y los páxaros igüen los ñeros pa poner los güevos y entamala a guariar.Yo hai un recitáu mui prestosu que fala del ciclu de les aves y que diz asina, atiendi: Marzu nialarzu, Abril güeveril, Mayu paxarayu, per San Xuan esnalarán, y per Santa Marina buscarán la vida. A too esto, qué prestoso y interesante diba ser qu'a los escolinos-yos deprendieren estes coses de la nuestra cultura popular, que desgraciadamente, tamos criando neños ayenos a la so cultura, a la so historia y a la so llingua.Y per esti camín, el futuru asturianu pinta mui prietu, miániques.</div><div style="text-align: left;"> </div><div style="text-align: left;">-Pues sí, Xanu, siguimos cayendo en barrena y ensin que s'acolumbre igua dala. Pero vamos charrar de coses más prestoses, qu'ehí tenemos la temporada de les espirches picando a la puerta...</div><div style="text-align: left;"> </div><div style="text-align: left;">-Picando a la puerta unes y otres yá entamaes. Una tradición prestosa a esgaya. Romper una pipa de sidra nuevo, pone-y un nome con clarión, orniala con lloréu, y acompañala con bien de coses pa forrar como conceyales, güevos cocíos, oricios, centollos, pinchos de tortiella, embutíos...y tola carrapotada que se nos pueda ocurrir. Y nun dedicase namás qu'a comer y beber, ¡ca! Hai qu'aprovechar tamién p'axuntase nun coriquín y cantales toes. Pa sintir gargoliar una tonada, p'armar una folixa prestosa, recóime. Que tamién, por desgracia, tán enxaretándose per ende espirches que de tales namás que tienen el nome, porque'l conteníu da pena y dolor. ¡Ah!, y ta bien encamentar a munchu que presume de sidreru que'l corazu d'una espircha ye la pipa de sidra nuevo, que por selo inda nun s'echa porque tien qu'acabar de facese na botella y non lo que yá ta embotellao d'otru añu pa escanciar. Que nesti tema ta la cosa bastante esmanganiyada, ¡caso en tal!</div><div style="text-align: left;"> </div><div style="text-align: left;">-Tienes tola razón, Xanu. Sacar a la lluz la nuestra historia, puxar poles nuestres tradiciones, emplegar la nuesta llingua...too ta cayendo en sucu baxeru. A vegaes, dame la impresión de que damos voces en castañéu de contino, que la xente asturiano tal paez afáyase guapamente viviendo n'ayén y aculturizao., Pero son les dómines abegoses que nos toquen vivir. Eso sí, de dase nada.<br /></div><div style="text-align: left;"> </div><div style="text-align: left;">-Bono, Potrosu, pues como yá acabé d'encantesar estes madreñes, y a ti paez que te pintó bien el caldín de pita pa recuperar, voi acompañate un cachu pela sienda de vuelta a la to morada. Y, como nos queda de camín, vamos lleva-y unes floriquines a la Venus de La Riera nel so abellugu de la Fonte'l Güeyu, que l'antoxana de la primavera ye una época perafayadiza pa ello, recitámos-y un esconxuru pa que nos eche una gabita pa curiar la nuestra viesca, y aprovechamos pa descansar un pocoñín y enfrescar el gargüelu col agua fresquino qu'esquita ellí. Upa y vamos p'allá.</div><div style="text-align: left;"> </div><div style="text-align: left;">Y, d'esta manera, el mio amigu'l busgosu Potrosu y yo enfilemos monte alantre dándo-y a la parpayuela tan guapamente mientres esfrutábemos del remanecer de la primavera... </div><div style="text-align: left;"> <div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEi8BorxvxPuXkU0wYaM36DVbethjkvZ6grlIhYkA5GjeSrytBrCu5vnybAZl9tnct2rPqChdXE96AjNU7WJTVidJsNHf1aU5LOtass0ry2CtvU2iyCNm547Aq2l-YbSpbNLnKtFnMAs8prtvnveenngkQixMiIiOhkJYQKkT0aX_HfTiGAhWYRuxoIXY0Y/s445/Busgosu.webp" style="margin-left: 1em; margin-right: 1em;"><img border="0" data-original-height="445" data-original-width="300" height="320" src="https://blogger.googleusercontent.com/img/b/R29vZ2xl/AVvXsEi8BorxvxPuXkU0wYaM36DVbethjkvZ6grlIhYkA5GjeSrytBrCu5vnybAZl9tnct2rPqChdXE96AjNU7WJTVidJsNHf1aU5LOtass0ry2CtvU2iyCNm547Aq2l-YbSpbNLnKtFnMAs8prtvnveenngkQixMiIiOhkJYQKkT0aX_HfTiGAhWYRuxoIXY0Y/s320/Busgosu.webp" width="216" /></a></div><br /> <br /></div><div style="text-align: left;"> </div>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-4082376174758939872024-02-14T12:30:00.003+01:002024-02-14T12:30:00.131+01:00Pañando na cuerria<div style="text-align: left;"> Esta mañana presentóse escamplada y escucando'l solín. Tiempu afayadizu pa caleyar pel monte. Quedare va unos díes con Espi la Mariñana, el trasgu Manfurada y el so primu'l sumiciu Patriciu pa dir a una cuerria que la nuestra amiga tien nel castañéu pa pañar unes ambozaes. Asina que, cuando nos axuntémos, empobinemos p'allá a la xera.</div><div style="text-align: left;"><br /></div><div style="text-align: left;">-Munches fames quitaron les castañes nel so tiempu -dixi yo.</div><div style="text-align: left;"><br /></div><div style="text-align: left;">-Pues sí -contestóme Espi-. Notres dómines les castañes xugaben un papel bien importante na dieta de la xente y había toa una cultura alrodiu d'elles.</div><div style="text-align: left;"><br /></div><div style="text-align: left;">-Yo tovía m'alcuerdo del trepe que llevaven con elles en dalgunes cases onde viví -comentó Manfurada-. Teníen que rozar el castañéu, inxertar les castañales, demer, echar na cuerria, andar a la gueta...</div><div style="text-align: left;"><br /></div><div style="text-align: left;">-Y dempués -permedió Patriciu- comeles cocíes, amagostaes, en potaxe...</div><div style="text-align: left;"><br /></div><div style="text-align: left;">-Claro -intervini yo- y otra parte importante del asuntu yera la manera de conservales, porque nun se coyíen namás que pa consumir fresques. Asina que, nel mesmu monte, echábense a la cuerria, con oriciu y too, y tapábense con felechu pa qu'aguantaren pel iviernu. Tamién se poníen a mayucar, que yera otru sistema pa qu'aguantaren bien de tiempu.</div><div style="text-align: left;"><br /></div><div style="text-align: left;">-Anguaño tamién les meten nel conxelador de la nevera, pero yo esti sistema nun me cuaca gota. Cuando les saco pa comeles nun me saben igual que les mayucaes o les de la cuerria -puntualizó Espi.</div><div style="text-align: left;"><br /></div><div style="text-align: left;">-Una cosa que pasó coles castañes foi l'abandonu de los castañeos cuando entraron les patates, fabes y otros productos de les amériques -añadí yo-. Ñabos y castañes quedaron apostalgaos y, nel casu les castañes, hasta demonizaes. Dicíen que comeles yera como comer madera, refugábenles. Y los castañeos empicipiaron a quedar abandonaos.</div><div style="text-align: left;"><br /></div><div style="text-align: left;">-Pero mirái les vueltes que dan les coses -comentó Manfurada-, dende hai años diose un remanecer de la cultura gastronómica basada nes castañes y, arriendes de facer amagüestos, qu'eso nunca nun se perdió, recuperáronse los potaxes y yá se ve na hostelería ufiertalos con normalidá. </div><div style="text-align: left;"><br /></div><div style="text-align: left;">-Claro que siguimos cola nuestra zuna d'abandonar lo nuestro. Porque, na temporada de les castañes, tenemos los nuestros supermercaos y comercios atarraqulitaos de les que nos traen de fuera, mientres que los nuestros castañeos siguen abandonaos, les castañes en suelu pa los xabalinos, y les cuerries esbarrumbando comíes pol morgazu -dixo Espi.</div><div style="text-align: left;"><br /></div><div style="text-align: left;">Y, mientres dábamos la parpayuela, díbamos pañando de la cuerria y enfonilando nes nuestres fardeles. Entós póngome yo:</div><div style="text-align: left;"><br /></div><div style="text-align: left;">Á, xente, toi pensando que, como entamemos col llabor bien ceo y tovía queda tiemu a embute, podíamos empobinar dempués pa la llende'l mio caborniu, saco yo unes de sidra y facemos un amagüestín, que ta la mañana pa escalecer con ello, mialma. Y tu Espi, yá tas tardando en echar una, ne, que si nun cantes a esto fálta-y daqué...</div><div style="text-align: left;"><br /></div><div style="text-align: left;">Entós la Mariñana, que nunca se fai de rogar cuando de cantar se trata, gargoliónos esta:</div><div style="text-align: left;"><br /></div><div style="text-align: left;">Yá nun puedo dir pa Sama,</div><div style="text-align: left;">que llevó la ponte'l ríu.</div><div style="text-align: left;">Hai una chalana nueva,</div><div style="text-align: left;">pásala, galán, comigo.</div><div style="text-align: left;">¡Ixuxú! ¡Echa un culetín, Xanín!</div><div style="text-align: left;"><br /></div><div style="text-align: left;">Tapémos entós otra vuelta col felechu los oricios qu'inda quedaben nel fondu la cuerria y enveredemos camín de la llende'l mio caborniu, mientres el picutorneru barrenaba ayuri, chiaba'l raitán, esnalaba allaribón el ferre, y el xuxuriar d'otros páxaros endolcaben la viesca colos sos sones prestosos acompañándonos...</div><div style="text-align: left;"> <div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEg1XDEfCtpe2mpbctSo65idojJ1F1iFBpAN8LWQ5bZDad5B1amK_T8pt2q1Rg1lJhhX4w7-YZp6BqPYGdBglGho5OVRdw-yab-4VKZwEdtjiePr1hYtsa5ZGn5PVxCwHILh2PCz9Vfa6CJV_EzANZJ9DKN4lePCX3l1EGAsEq7E2jwN38PFA19mjorCt8g/s576/397889016_17978610359551167_9162278425131955916_n.jpg" style="margin-left: 1em; margin-right: 1em;"><img border="0" data-original-height="334" data-original-width="576" height="186" src="https://blogger.googleusercontent.com/img/b/R29vZ2xl/AVvXsEg1XDEfCtpe2mpbctSo65idojJ1F1iFBpAN8LWQ5bZDad5B1amK_T8pt2q1Rg1lJhhX4w7-YZp6BqPYGdBglGho5OVRdw-yab-4VKZwEdtjiePr1hYtsa5ZGn5PVxCwHILh2PCz9Vfa6CJV_EzANZJ9DKN4lePCX3l1EGAsEq7E2jwN38PFA19mjorCt8g/s320/397889016_17978610359551167_9162278425131955916_n.jpg" width="320" /></a></div><br /><br /></div>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-70916706933422869162024-01-15T11:31:00.002+01:002024-01-15T12:39:36.086+01:00Mazcaritos, comedies y bederres alloriaos<p>Al iviernu nunca lu comió'l llobu. Y esta vegada paez que, per agora, vieno un iviernu como los d'antaño. Y eso ye bono pa la ñatura. Y si ye bono pa ella, tamién lo ye pa los seres que vivimos nel somantu de so.</p><p>Hoi salí a dar una vuelta y atopéme con Xuan de la Borrina, la muyer barbuda y la perra llanuda, que per estes dómines tienen xera pelos nuestros montes, que posa la ñublina y siempre hai daquién esconxurando pa que-y echen una gabita. Asina que punxímonos a charrar de coses mundanes, que Xuan ta bien enteráu de lo qu'asocede per ende, porque-yos lo escucha a la xente qu'anda pastoriando pela viesca.</p><p>-Pues, amigu Xuan, tamos metanos l'iviernu y siéntense lloqueros perhí. Pero non namás que del ganáu, porque tamién tamos nes dómines de les mazcaraes y les comedies.</p><p>-Esautamente, Xanu. Yá salió'l Guirria de Ponga pa danos anuncia de la entrada del añu, besar a les moces y echar ceniza a los homes. Y anden caleyando bien de mazcaritos más, pidiendo tamién l'aguilandu, vezu prestosu per estes feches.</p><p>-Dicen que la memoria ye la intelixencia de los burros, asina que, como yo toi falando de memoria, de xuru que voi dexar mazcaritos en tinteru. Viénenme a l'alcordanza, asina de botavolén, mazcaraes que salen, de magar finales d'añu hasta l'antroxu. Arriendes del Guirria, aprucen los Reises, los Sidros cola comedia, los Mazcaritos d'Uviéu, Los Zamarrones, los de Rozaes, de San Xuan de Villapañada...Y más xente enfotao en recuperar unes tradiciones con abondu raigañu na nuestra tierra...</p><p>-Pues yo, Xanu, tuvi falando l'otru día col diablu d'una comedia, que son aruelos mui afayadizos pa solmenar a los monxures gobernantes y pa facer xirigoncia de los asocedíos cotidianos. Y cuntóme una cosa que m'afitó nel mio aquello de que vivimos nunos tiempos onde anda too tracamundiao y au cada vez tenemos gobernando a más pazguatos -permedió la muyer barbuda, mientres la perra llanuda lladraba mirándomos como sofitando lo que dicía ella.</p><p>-Pues cuenta, cuenta, ne, qu'ando secañosu de ñoticies -afaléla yo.</p><p>-Mira Xanín, ello ye que, como paez ser que nun hai problemes a magüeyu pa iguar, pues resulta qu'agora anden a la tema los mandones pa ver quien la tien más grande.</p><p>-¡Rediosla!. ¿Qué anden, enseñando perhí les mingues y les fañagüentes pa ver quien lo tien más vistoso, ne?. ¡Mialma qu'esa si que nun la vi venir! -contesté yo arremellando los güeyos como dos platos.</p><p>-¡Nomenón! -intervino entós Xuan echando una carcaxada, mientres la muyer barbuda y la perra llanunda s'arrollicaben tamién de la risa-. Lo que quier dicite la mio collacia nun ye cosa braguetera, sinón de banderes y mástiles. Verás, agora quieren imitar en Xixón lo que yá fixeren n'Uviéu y llantar una banderona descomanada nun mástil vien altu pa que la vean esventolexar dende bien lloñe.</p><p>-¡Ai, hom!. Ya cayí na cuenta. Otra banderona española pergrandísima pa encamentar a los que tríen la ciudá que nun tán n'Australia o Filipines, o en Marte o Xúpiter pa los más galácticos -respondí yo.</p><p>Entós la muyer barbuda carpió echando la mano al cazu, llevantó un deu y ponse ella:</p><p>-Yo camiento qu'esto de sopelexar banderones xigantesques per dayures amuesa abonda inseguridá y un complexu d'inferiorida en quien les pon. Necesiten afitase ante peligros imaxinarios que ven pingar perriba les sos identidaes nacionales y llevanten banderes xigantes como p'abellugase y defendese d'esos peligros.</p><p>-¡Arreniego los demonios!. ¡Cuántu bederre alloriáu abeya per esta Asturies!. ¡Cuántu tontorolo, bocayón, escerebráu y faltosu dafechu añera nes nuestres instituciones!. ¡Cuántu espantayu refalfiáu y con serrín na cabeza! ¡Rediósla, cho, menuda tropa! -esberridé yo echando les manes a la cabeza.</p><p>-¡Cóime, Xanu, van fichate pa echar una d'eses comedies onde solmenten con remangu a monxures y mandones!. Qu'eso y les moxigangues son l'antroxu verdá, y non los desfiles de modelos en que lu tienen camudáu va tiempu con aculturaciones de toa mena -comentó Xuan de la Borrina.</p><p>Entós, echando mano al zurrón y sacando una bota vinu, póngome yo:</p><p>-Bono, xente, equí traigo un vinu bien prestosu de Pezós. Asina que podéis amugar el gargüelu con él mientres caleyamos per ende y seguimos dándo-y a la parpayuela. </p><p>Y asina pasemos la mañana, caminando, empinando'l coldu, esbillando les burraes que se-yos ocurren a los gobernantes, y esfrutando del monte nun día d'iviernu verdá, que pa espansionar de tantu despropósitu ye xera afayadiza y tamién presta abondo...</p><p> </p><div class="separator" style="clear: both; text-align: center;"><iframe allowfullscreen="" class="BLOG_video_class" height="266" src="https://www.youtube.com/embed/EVm4gvFn1Gg" width="320" youtube-src-id="EVm4gvFn1Gg"></iframe></div><br /><br /><p></p><p><br /></p>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-37222776337872139292024-01-02T15:40:00.002+01:002024-01-02T15:40:14.658+01:00Ufriendes, regalos, engañifes y mazcaraes<p>Yá tenemos l'añu nuevu faciendo galanes. Y, como avezo a facer per estes dómines, voi llevar una ufrienda p'allalantrón, na llende de la Viesca Dayuri, a un vieyu dolmen conocíu como la Mesa Los Antiguos. Llevantéme abondo ceo, col riscar l'alba, encamenté a Masgallu que curiare bien el caborniu, y púnxime a esperar por Espi la Mariñana y Lluis de Turiellos que quedaren en dir comigo. Metí en zurrón un ramu lloréu, unes ablanes y unes mayuques pa dexar allá. Bien llueu, aportaron los mios amigos. Saludémonos y echemos a andar.</p><p>-Bono, pues, arriendes d'estrenar añu, vamos camín d'unes feches bien prestoses, sobre too pa la rapacería. Yá anda per ende'l Príncipe Aliatar arrecoyendo les cartes de la reciella de casa p'apurrí-yosles a los Reis Magos d'Oriente. Claro que tamién pa los mayores nos puen cagar daqué...-dixo Lluis.</p><p>-Eso siempre y cuando se portaren bien pel añu, porque sinón puen dexar carbón y ceniza -comentó Espi.</p><p>-¡Meca!, entós a min van cagame regalos abondo. Fui bonísimu esti añu que pasó -contesté-yos yo ensin aguantame a echar una carcaxada.</p><div style="text-align: left;">-Yo tovía m'alcuerdo de dalgunos regalos de cuando yera rapacín -dixo Lluis-. El primeru que recuerdo foi un tambor de latón pintáu con escenes béliques alredor. Conservélu en casa bastantes años y taba perabolláu. Nun sé con qué pudi acutir aquel tambor pa dexalu d'aquella manera. Paecía que-y cayere enriba un elefante...Tamién recuerdo un castiellu de madera, con dos torres, una puerta encarnada y les ventanes pintaes como d'estilu góticu. Venía con soldaos con armadures y plumes y caballos afataos. De la soldadesca nun conservo un res, pero'l castiellu ¡téngolu tovía!. Claro que cuando dexé una güelga fonda que sirvió siempre de chanza nos aruelos familiares ye cuando se me ocurrió pidir una escopeta y un páxaru pa matalu. ¡Y mirái qu'agora refugo abondo lo de la caza, rediola!. ¡Qué ocurrencies tenemos de rapacinos!.</div><div style="text-align: left;"><br /></div><div style="text-align: left;">-Pues yo cuando falo de regalos siempre me bien un refocilu a la cabeza con aquella engañifa que nos soltaben y que siempre acababa de mala manera. Cuando daquién diba fuera, pedíes-y un regalu y contestábente aquello de que te diben trayer un curriverás con cascabelinos atrás. Cuando tornaben, el dichosu curriverás enxamás aprucía. Hasta que dibes creciendo y decatándote de qu'aquello yera pura comedia -comentó Espi.</div><div style="text-align: left;"><br /></div><div style="text-align: left;">Entós Lluis, ximielgó la cabeza como ñegando y ponse él:</div><div style="text-align: left;"><br /></div><div style="text-align: left;">-Agora qu'Espi menciona lo de les engañifes pa colos rapacinos, alcuérdome d'una que me tuvo aforfugáu y apolmonáu una temporada cuando neñu. Ello ye que diba yo con mio ma y un paisanu miróme entientes y sentenció mui seriu: ¡Tu fuisti'l que-y robó les ferradures al perru'l cura!. Y, ¡recóime!, que menudu axorizu que llevé cola acusación, que yá veía yo venir a prindame pol asuntu, hasta que, claro, fui cayendo en que los perros nun tienen ferradures...</div><div style="text-align: left;"><br /></div><div style="text-align: left;">Y charrando amigablemente aportemos hasta'l dolmen de La Mesa Los Antiguos. Posé ellí la mio ufrienda, fiximos renombranza de los antepasaos que yá nun tán con nós. Paremos un cachu pa descansar, picar daqué y amugar el gargüelu, y tornemos pa casa llueu, nun fuere a echásenos la nueche encima. Y ello foi que, cuando tábemos cerca de la llende'l mio caborniu, sentimos sonar unos campanos y atopemos a Sidru'l Guirriu.</div><div style="text-align: left;"><br /></div><div style="text-align: left;">-¡Cóime, Sidru, camiento que tarás bien en forma pa estes feches!. Que tamos en tiempu de guirrios, comedies, agilandos y mazcaraes de toa mena -dixi yo.</div><div style="text-align: left;"><br /></div><div style="text-align: left;">-Pues sí -contestóme Sidru mientres nos apurría la garapiña qu'arrecendía bien prestosa-, tamos somorguiaos nes mazcaraes d'iviernu y los guirrios y les comedies tenemos muncha xera per delantre...<br /></div><div style="text-align: left;"><br /></div><div style="text-align: left;">-Pues si d'echar comedies se trata, l'añu que coló tuvo asocedíos a embute pa comentar, mialma, -comentó Espi. </div><div style="text-align: left;"><br /></div><div style="text-align: left;">Siguimos el nuestru camín, Lluis, Espi y yo andando y Sidru'l Guirriu blincando hasta qu'aportémos a la llende'l mio caborniu. Y yá díbamos a despidinos cuando sentimos xuxuriar a un raitán na picorota d'un abeduriu. Y entós va Espi y ponse ella:</div><div style="text-align: left;"><br /></div><div style="text-align: left;">-¿Qué ye, que nun echáis en falta nada antes de despidinos, hom?.</div><div style="text-align: left;"> </div><div style="text-align: left;">-¡Meca, sí, ne! -respondí yo-. ¡Falta que nos eches una!.</div><div style="text-align: left;"> </div><div style="text-align: left;">Y entós la nuestra amiga la Mariñana gargoliónos, cola so voz prestosa, aquella de:</div><div style="text-align: left;"> </div><div style="text-align: left;">"Si quieres que vaya a vete</div><div style="text-align: left;">echa al to perru cadena, eueee,<br /></div><div style="text-align: left;">que me lladra cuando vengo</div><div style="text-align: left;">a cortexate, morena, eueee"</div><div style="text-align: left;">¡Ixuxú!. ¡Viva la Viesca Dayuri! </div><div style="text-align: left;"> <div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEijvSkhAIJNhyphenhyphenO1aoezmwqBNSgTyYsKGVYrM-0DIGtcS3clXnrSA6O6cqtM-H0Bd3lE0hcA2sVXr5nI8dQGHItHUA_syOLBTTQKqkIsDcj_JpHBSSsCAjOqf6EZLFLGiI_WanMMIuWkJnI9ZF1QPInCwX2gV79t-6K5uQG3-oigAJK90ndF3TEpDY9Rl8o/s1280/270188945_4979780345389823_8492154139157555977_n.jpg" imageanchor="1" style="margin-left: 1em; margin-right: 1em;"><img border="0" data-original-height="720" data-original-width="1280" height="180" src="https://blogger.googleusercontent.com/img/b/R29vZ2xl/AVvXsEijvSkhAIJNhyphenhyphenO1aoezmwqBNSgTyYsKGVYrM-0DIGtcS3clXnrSA6O6cqtM-H0Bd3lE0hcA2sVXr5nI8dQGHItHUA_syOLBTTQKqkIsDcj_JpHBSSsCAjOqf6EZLFLGiI_WanMMIuWkJnI9ZF1QPInCwX2gV79t-6K5uQG3-oigAJK90ndF3TEpDY9Rl8o/s320/270188945_4979780345389823_8492154139157555977_n.jpg" width="320" /></a></div><br /> <br /></div><div style="text-align: left;"> </div>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-86959976287858687372023-11-19T10:55:00.000+01:002023-11-19T10:55:24.847+01:00La risotada del llondru<p>Entróme'l rixu esta mañana de dir a sentame cabo'l ríu. Asina qu'empobiné p'allá. Per estes dómines los caminos de la viesca cúbrense de fueyes y los árboles formen un cuadru con una pintalarrama de colores prestosos a embute. Mialma que la seronda ye una estación guapa verdá. Pues taba yo ellí, al llau del ríu estelándome cola ñatura, cuando vi que daqué baxaba pel agua. Yera'l madreñoxiru de Pinín que venía ñavegando. Cuando s'acercó más comprobé que, nesta ocasión, nun venía'l guah.e acompañáu del Gaviotu, que suel ser lo más corriente cuando nun vien solu. La so compañía yera Lluis de Turiellos, cola so montera y guedeyes asomando so ella. Saludémonos y entamemos a da-y a la parpayuela.</p><div style="text-align: left;">-¡Qué tal, chachos!. ¿Pa ónde enveredáis ríu abaxo?.</div><div style="text-align: left;"><br /></div><div style="text-align: left;">-Pues equí vengo con Lluis, Xanu, qu'anda envizcáu en ver a dalgún llondru pa sentir la so risotada. Mira qué venaes-y dan al nuestru amigu de montera, palu y madreñes -comentó Pinín.</div><div style="text-align: left;"><br /></div><div style="text-align: left;">-¿Y entós, Lluis?. ¿A qué se debe esi aquello que t'entró, hom? -entrugué yo.</div><div style="text-align: left;"><br /></div><div style="text-align: left;">Entós el nuestru amigu, alendó fondo, apretó los llabios, xubió les ceyes, y ponse él:</div><div style="text-align: left;"><br /></div><div style="text-align: left;">-Pues quiero ver y sentir reíse a un llondru pa espansionar y nun acabar alloriando dafechu colo que ta pasande per esti mundu alantre. Porque la cosa ta como pa montar nel madreñoxiru y colar pa otra galasia, si fuere posible.</div><div style="text-align: left;"><br /></div><div style="text-align: left;">-¡Cóime!. Pues cuenta, cuenta, ho. Que tengo pruyiciu por ver que ye lo que t'afala tanto -contesté-y yo.</div><div style="text-align: left;"><br /></div><div style="text-align: left;">-Pues verás, Xanu. Hai una entamada nesti Estáu onde tamos inxertaos de meter mieu. Formaron gobiernu nuevu un garrapiellu de fuerces polítiques. Ún de los puntos de los alcuerdos algamaos foi enxaretar una amnistía pa tratar d'empicipiar a iguar el problema catalán. Y, claro, a los ultres de la drecha y del ñacionalismu español escluyente viéno-yos la cuestión como aniellu al deu. Manifiéstense de contino, glayen conseñes a favor de la dictadura, rispen por un güelpe d'estáu, piden sopla-yos tiros a los contrarios...Tou un despropósitu, emburriáu tamién por unos medios informativos manipuladores y que dan noxu y vergoña. Y, pa rematala, el propiu rei, cuando'l presidente garró'l cargu, aprució con cara enfurruñada, amosando que nun-y gusta gota'l gobiernu formáu, dexando pa prau la so supuesta imparcialidá y asitiándose del llau ranciu ya involucionista.</div><div style="text-align: left;"><br /></div><div style="text-align: left;">-¡Rediosla!. ¡Pues menuda la qu'hai entamanada perhí p'alantre! -plasméme yo col relatu.</div><div style="text-align: left;"><br /></div><div style="text-align: left;">-Por suerte -dixo Lluis- tol xaréu ta concentráu per Madrid. Pero, como tal paez qu'esa autonomía ye l'equivalente a la España en xunto, da la impresión de qu'en tolos llaos los xareos son iguales. Pero, ñon. Por suerte notros sitios, como n'Asturies, manifestaciones hailes, pero ensin algamar les barbaridaes de la capital del reinu. Pero perhí alantre pasen tamién coses pertarrecibles. L'Estáu d'Israel ta masacrando a la población palestina de Gaza. Bombardea hospitales, cases y lo que cuadre. Unes barbaridaes que faen resfregar los güeyos pa creyeles. Y la comunidá internacional alcagüetando eses actuaciones. ¡Menudu mundu en que vivimos, Xanu!. Esto ye una llocura.</div><div style="text-align: left;"><br /></div><div style="text-align: left;">Entós Pinín, que taba en silenciu escuchándonos, arrascó la cabeza so la boina y ponse él:</div><div style="text-align: left;"><br /></div><div style="text-align: left;">-¡Coyona!. Pues acabo d'entender por qué Lluis aneciaba tanto en sentir la risotada d'un llondru. Ye una manera d'entrar notru mundu, d'escaecer tanta llaceria y de ver y sentir a un animal que figúraseme que ye ta más cepilláu que nós los humanos. ¡Ah!. Y tamién sentí dayures que la risa tien daqué de revolucionario, de francidor de la fosquedá. Y, pal casu concretu del andanciu facista que ta anubriendo esti Estáu, igual ye bona melecina p'alendar y garrar fuelgu. ¡Pero mirái, mirái!. ¡Un llondru!. ¡Ta adicando pa nosotros y echando risotaes!. </div><div style="text-align: left;"><br /></div><div style="text-align: left;">Pues sí, lo que dicía Pinín yera cierto. Un llondru taba agüeyando pa nós enriba una piedra y gargoliando eses carcaxaes propies d'él. Dempués tiróse de calón al agua y sumióse somorguiando.</div><div style="text-align: left;"><br /></div><div style="text-align: left;">-Bono, Xanu, agora vamos montar en madreñoxiru y dir volando pa Paxumal a visitar a los mios tíos Telva y Pinón, que quedé con ellos l'otru día -dixo'l rapaz.</div><div style="text-align: left;"><br /></div><div style="text-align: left;">-Y vamos ponenos cola mayanza cabera. Que yá pañaron les mazanes más serondes d'esti añu. Y, de pasu, echar unos paparaos de sidra'l duernu pa rellambé los focicos -amestó Lluis.</div><div style="text-align: left;"><br /></div><div style="text-align: left;">-Paezme estupenda la xera que vai facer, hom. Pero teo que vos encamentar que tengáis cuidáu con nun embutiellar muncha sidra'l duernu, nun vayáis a escagalurciavos toos...-díxi-yos yo.<br /></div><div style="text-align: left;"><br /></div><div style="text-align: left;">Asina que, como asonsañando al llondru qu'acabábamos de ver, Pinín y Lluis echaron una risotada, montaron nel madreñoxiru y alloñáronse per allarribón. Y yo quedé a la vera'l ríu pensatible cola espirica de Lluis y mirando pal agua pa ver si aprucía otra vuelta'l llondru p'allegráme la mañana con dalguna risotada más de les suyes...</div><div style="text-align: left;"> <div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEhq3tIPpvBu4Afl3eeliY0Wpkp9YiDbS6vJk324PlgLSnxQQu3lzVEUtowyHjgjtT_079HK5CWgUu1bcpHTr1MC-XDzKKpGpgqwuw4imeY-SxEDiwdltl1sFiNP4D3q4mP4Y7DD-qyVRdc0JGjGogusF7p7CnJ3teR5fQEdSj024AN7ujppmdIcsWMcC_w/s548/Llondru.jpg" imageanchor="1" style="margin-left: 1em; margin-right: 1em;"><img border="0" data-original-height="368" data-original-width="548" height="215" src="https://blogger.googleusercontent.com/img/b/R29vZ2xl/AVvXsEhq3tIPpvBu4Afl3eeliY0Wpkp9YiDbS6vJk324PlgLSnxQQu3lzVEUtowyHjgjtT_079HK5CWgUu1bcpHTr1MC-XDzKKpGpgqwuw4imeY-SxEDiwdltl1sFiNP4D3q4mP4Y7DD-qyVRdc0JGjGogusF7p7CnJ3teR5fQEdSj024AN7ujppmdIcsWMcC_w/s320/Llondru.jpg" width="320" /></a></div><br /><br /></div><p><br /></p>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-86421070190704228272023-10-24T10:24:00.002+02:002023-10-24T10:24:47.962+02:00L'aire les castañes<p> Paez qu'entró la seronda...per agora. Dempués d'un tiempu braniegu fuera d'época que frayó árboles, escosó fontes y dexó la tierra seco y duro, paez qu'esti clima alloquecíu que padecemos diomos una tregua. Asina qu'enfrescó y llovió, que falta facía. Y aportó pela Viesca Dayuri l'aire les castañes, que valta oricios y fai que la rebusca pueda ser provechosa. Magar esti añu figúraseme que la gueta va ser probe. Cayeron oricios antes de tiempu. Dellos coles castañes inda ensin madurecer. Otros, con elles dientro esturniaes por falta d'agua...</p><p>Tamién dicen que l'aire les castañes alloria a la xente. Y, miániques que debe ser verdá, porque yo, cuando sopla, viénenme a la tiesta les ocurrencies más rares que tengo. El casu ye qu'esta mañana aprució pequí Don Quixote de Caravia. Sentémonos cabo'l caborniu, saqué unes castañes amagostaes pa espellicar y sidra'l duernu pa pimplar y punxímonos a da-y a la parpayuela.</p><div style="text-align: left;">-Bono, Quixotín, ¿qué te trai gu per esta viesca, ho?.</div><div style="text-align: left;"><br /></div><div style="text-align: left;">-Pues que, como sopló l'aire les castañes, paecióme un bon momentu pa ver si paño daqué. Amás, avérense la Nueche d'Ánimes y el Día de Tolosantos que, arriendes de facer alcordanza de los que yá nun tán con nós, son feches con bayura de tradiciones que paga la pena conservar y participar d'elles. Yo siempre afuraco una calabaza y préndo-y dientro una vela p'allumar el camín a los difuntos que tornen a los sos llares. Y col atapecer de la Nueche d'Ánimes faigo un amagüestu y déxo-yos una ambozada d'elles con sidra'l duernu pa que les tastien y remueyen los gargüelos. Asina qu'hoi voi ver si gueto daqué, anque esti añu la cosa pinta fea.</div><div style="text-align: left;"><br /></div><div style="text-align: left;">-¡Sí, hom!. Daqué sí que vas guetar de xuro. Y yá que menciones estes feches de difuntos que s'acerquen, hai que facer finca en tener cuidao pela nueche. Porque tola xente que-y gusta andar de candonga y corrigüela cola escuridá convién que nun-yos caiga embaxo que per estes dómines anda la Güestia de remandela per dayures. Y atopase con ella ye bien tarrecible y pue trayer consecuencies bien gafes...</div><div style="text-align: left;"><br /></div><div style="text-align: left;">-¡Yá lo sé, Xanu, yá lo sé!. Pero descuida, que yo nun me prinda la Güestia por andar de pandorga nocturna. Eso pa los gatos, los bohemios y les curuxes. Yo pela nueche na camina bien enropielláu escaleciendo y alón.</div><div style="text-align: left;"><br /></div><div style="text-align: left;">-Pues tornando a lo de la gueta, sigue siendo vezu que, los que prefieren mercales qu'andar a elles, van atopales de fuera de les nuestres llendes. Porque equí sigue la xente dexándoles apodrigañando en monte o pa los xabalinos. Bono, por consolanos, tamién puen valir pa que focen los nuestros gochos d'oreya llarga, que de llandes y castañes tamién se fartuquen. Y dempués dan una carne sano y que ye un manxar...</div><div style="text-align: left;"><br /></div><div style="text-align: left;">-Sí, Xanu. Dexando de llau los de los gochos, la vedá ye que cuéstanos trabayu encetar el sacar rendimientu a lo nuestro. Tal paez que les dómines onde l'Estáu yera'l gran creador d'emplegu nel nuestu país valumben abondo entá, y tovía hai quien piensa que van venir d'allalantrón a sacanos les castañes del fueu, nunca meyor dicho. Somos un pueblu mui poco entamador. Y, al empar, mui de naguar polo que vien de fuera y de despreciá lo llariego. Zunes perafitaes ente nós y que cuesta un trabayu descomanáu dir esborriando de la nuestra sociedá.</div><div style="text-align: left;"><br /></div><div style="text-align: left;">-Claro, Don Quixote, claro. Mira, nesti mundu hai pueblos qu'esbrexen y s'esguedeyen por conservar lo de so y otros que lo refuguen. Y nel casu asturianu, llamentablemente, tamos nesti segundu exemplu. Va unos díes que celebreron eses xornaes de la pleitesía y vasallexe que tolos años per Ochobre entamen pequí. Dígote, falando de papu sanu, que siento una vergoña perfonda cuado m'entero del nivel descomanáu d'humildación, complexu d'inferioridá y vocación de llambeculos que tien una parte de la nuestra sociedá asturiana. Y, si daquién piensa que vamos empobinar ayuri per esi camín, que lo vaya esceciendo. Pal únicu sitiu onde podemos dir ye pal precipiciu. La xera qu'hai qu'entamanar ye la contraria, facer país con proyeutos de nuestro, enfotanos en llabores propios, y sapiar de la nuestra tierra los montaxes de los monxures y porgüeyos de per ende p'acullá.<br /></div><div style="text-align: left;"><br /></div><div style="text-align: left;">-Sí, Xanu. Yo, cuando llega esi eventu principescu, procuro aislame de tolos medios informativos cosmopaletos, porque pónente la cabeza como un bote coles sos espiriques bixorderes y alcanforaes. Tal paez que, per unos díes, tornamos al pelondín pa la Edá Media.</div><div style="text-align: left;"><br /></div><div style="text-align: left;">-Pues bono, Quixotín. Vamos dar bona cuenta d'estes castañines y esta sidra y dempués voi acompañate a dar una vuelta pelos castañeos per ende pa ver si guetamos daqué curioso, que yo tamién toi escosando la mio goxa de castañes y necesito dir por más.</div><div style="text-align: left;"><br /></div><div style="text-align: left;">-¡Venga!. Pues a ello, Xanu, pues a ello...</div><div style="text-align: left;"> <div class="separator" style="clear: both; text-align: center;"><iframe allowfullscreen="" class="BLOG_video_class" height="266" src="https://www.youtube.com/embed/xHSB1TzSnEE" width="320" youtube-src-id="xHSB1TzSnEE"></iframe></div><br /> <br /></div><div style="text-align: left;"> <div class="separator" style="clear: both; text-align: center;"><br /></div><br /><br /></div>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-13442653641213184202023-09-19T12:00:00.000+02:002023-09-19T12:00:21.254+02:00Tresalez la seronda<div style="text-align: left;">Qué guapa ye la seronda</div><div style="text-align: left;">cuando vien bona collecha,</div><div style="text-align: left;">pa pañar nes pumaraes</div><div style="text-align: left;">y dir pal monte a la gueta.</div><div style="text-align: left;">¡Ixuxú!. ¡Yá tresalez la seronda!.</div><div style="text-align: left;"> </div><div style="text-align: left;">Cuando sientes cantar, rinflar y gritar ye qu'anda pela viesca Dayuri Espi la Mariñana. Y cuando sientes madreñar y ves asomar perriba los bardiales el picu d'una montera, ye que caleya pequí Lluis de Turiellos.</div><div style="text-align: left;"> </div><div style="text-align: left;">-¡Ayó!. ¿Pa ónde caminais, ho?. </div><div style="text-align: left;"><br /></div><div style="text-align: left;">-¡Qué tal, Xanu!. Pues pequí ando yo gargoliando y rinflando, pa nun perder la costume.</div><div style="text-align: left;"><br /></div><div style="text-align: left;">-¡Hola, cho!. Pues, como fai un día soleyeru, garre'l palancu y salí a espansionar pel monte.</div><div style="text-align: left;"><br /></div><div style="text-align: left;">-Veo que apruciestis los dos a la puerta la seronda...</div><div style="text-align: left;"><br /></div><div style="text-align: left;">-¡Yo muncho me presta la seronda. Yá dende rapacín. Los colores conque se viste la viesca per estes dómines son inigualables. Toa una pintalarrama de matices. Prestosísimo pa ver y pa zampuxase nello -dixo Lluis.</div><div style="text-align: left;"><br /></div><div style="text-align: left;">-Y yo, como teo un castañéu p'allá arriba, préstame ver cómo van quedando los oricios pa ver si pue haber bona gueta -puntualizó Espi.</div><div style="text-align: left;"><br /></div><div style="text-align: left;">-Pues sí. Empobinamos pa coyer la collecha. Y yo hai dos coses que rescamplen pal mio gustu. Una ye la pañada nes pumaraes, el mayar, tastiar la sidra'l duernu, y meter el zusmiu nes pipes pa que vaya tresnado la sidra. La otra, andar a la gueta pel monte. Facer amagüestos, o cocer potaes de castañes, iguar potaxes...¡Préstame pola vida, cóime! -comenté yo.</div><div style="text-align: left;"><br /></div><div style="text-align: left;">-¿Y nun nos entrugues por nada de lo que pinta pela villa, hom? -díxome Lluis chisgándome un güeyu.</div><div style="text-align: left;"><br /></div><div style="text-align: left;">-¡La vircha, claro! -contesté-y yo.</div><div style="text-align: left;"><br /></div><div style="text-align: left;">-Pues mirái, voi entamar yo -permedió Espi-. Pues ello ye qu'enagora nun s'apagaron los rescaldos de la espantayada del arzobispu nel Día d'Asturies. Esti señor, aprovecha la pedricazaña que da en Cuadonga pa turriar escontra too y toos. Pero dende un asitiamientu ranciu y ultramontanu. </div><div style="text-align: left;"> </div><div style="text-align: left;">-Claro. Y como Barbón anecia en dir a esa pedricazaña como representante institucional, pues déxanos a toos humildaos a los pies del ensontanáu esi. Y, pa rematala, lo que rescampla per dayuri d'esi día ye esto que comentamos, porque acaba atapeciendo a tolo demás -añadió Lluis.</div><div style="text-align: left;"> </div><div style="text-align: left;">-Esto que pasa n'Asturies ye digno d'estudiu -comenté yo-. Pámidea nun hai nenguna autonomía que, al celebrar el so día, pase lo d'equí. Y destacar a los güeyos de tol mundu como la risión autonómica nun ye nada bono, miániques.</div><div style="text-align: left;"> </div><div style="text-align: left;">-Otru fechu que ta amechando estos díes ye lo de poder espresase nes llingües estatales non castellanes nel Congresu. Pal catalán, eusquera y gallegu van pone-yos traductores. Pa les que nun son oficiales, como l'asturianu o l'aragonés, lo qu'intervengan van tener que gastar parte del so tiempu n'autotraducise, lo que fai que tengan menos tiempu d'intervención y, polo tanto, una discriminación clara -dixo Lluis.</div><div style="text-align: left;"> </div><div style="text-align: left;">-Y güeyu que, nesti casu caberu, el que nun seyan oficiales ye una sida que lleva una xigomencia. Porque, si quixeren, podríen axeitar el reglamentu de manera que funcionare como les llingües oficiales -puntualizó Espi-. Bono y casi sobra dicivos que pa la drecha españolísima too esto d'usar otru idioma que nun seya'l castellanu nun son má caxigalines y pasen d'ello dafechu.</div><div style="text-align: left;"> </div><div style="text-align: left;">Quedé yo empapirotiáu colo que me taben contando Espi y Lluis. Y referviendo sobre ello, póngome yo:</div><div style="text-align: left;"> </div><div style="text-align: left;">-Usar idiomes minoritarios como'l nuestru nes instituciones da-yos reblanea. Como usalos nos medios d'información, nos centros educativos y la universidá...Y toi atalantando yo que diba ser un tanto aquello sentir falar n'asturianu nel Congreru y nun lo facer na Xunta Xeneral o nos ayuntamientos de nuestro. Barrer la nuestra corrada sedría prioritario. Pero yo en too esto que se cuez na nuestra tierra alrodiu del asturianu veo munchu posturéu y colleches mui ruines, por dicilo asina, yá que vien la seronda.</div><div style="text-align: left;"> </div><div style="text-align: left;">-Y el finxu central hai que lu tener siempre presente, que ye la fala na cai, nel trabayu, nel mercáu...en tolos sitios au desendolcamos la nuestra vida cotidiana. Ehí ye onde, a la postre, va decidise'l futuru del idioma. Y dígo esto porque davezu asocede que los discursos reivindicativos céntrense nes picorotes sociales, pero la base, los aruelos de los falantes, queden apostalgaos -dixo Espi.</div><div style="text-align: left;"> </div><div style="text-align: left;">-Estos díes pasó otru fechu que sirve pa exemplificar guapamente'l desastre qu'acute a l'Asturies d'anguaño -comentó Lluis-. Ello ye que'l gobiernín nun quier competencies ferroviaries. Nada nuevo, siempre fueron los nuestros gobiernos roceanos p'asumir competencies. Yá se sabe, si nun faes nada nunca nun t'equivoques. Y resulta que Renfe quitó trayectos col perxuiciu bultable pa los usuarios. Entós el nuestru gobiernu dixo que nun podía facer nada, porque ¡nun tenía competencies!. ¡Nun me digáis que nun ye pa espeyalo nuna película de risa!. ¡Por favor!.</div><div style="text-align: left;"><br /></div><div style="text-align: left;">-Bono. Pues calienta un poco yá'l solín y figúraseme que ye un momentu afayadizu pa tomar unos culetinos so aquel carbayu, ¿qué vos paez? - brindé yo a Espi y Lluis.</div><div style="text-align: left;"><br /></div><div style="text-align: left;">Sobra dicivos que-yos prestó pola vida la propuesta. Asina que punxímonos a ello mientres siguíamos charrando y esfrutando d'esta mañana tán prestosa...</div><div style="text-align: left;"> <div class="separator" style="clear: both; text-align: center;"><a href="https://blogger.googleusercontent.com/img/b/R29vZ2xl/AVvXsEiaGJCFZxcgoP8Up-G7kLk1dtx1UX_5rSRDKm_0hj0XdbmqAhe63JU1A4cORk5dAuvwmo1sWIu8t1r6J9M84lRQk_qA8w7VEW4cTRVZTjPFiww7Ay5T5j9EnDBrYn4Bwb_8WoHUyP-Hwydc7mHteTVjZ-745ZjSAf_XfuIHVEbL2sbDXstK7A38XPECwN0/s960/18118752_1291624644259422_5979334257385508486_n.jpg" imageanchor="1" style="margin-left: 1em; margin-right: 1em;"><img border="0" data-original-height="614" data-original-width="960" height="205" src="https://blogger.googleusercontent.com/img/b/R29vZ2xl/AVvXsEiaGJCFZxcgoP8Up-G7kLk1dtx1UX_5rSRDKm_0hj0XdbmqAhe63JU1A4cORk5dAuvwmo1sWIu8t1r6J9M84lRQk_qA8w7VEW4cTRVZTjPFiww7Ay5T5j9EnDBrYn4Bwb_8WoHUyP-Hwydc7mHteTVjZ-745ZjSAf_XfuIHVEbL2sbDXstK7A38XPECwN0/s320/18118752_1291624644259422_5979334257385508486_n.jpg" width="320" /></a></div><br /><br /></div><div style="text-align: left;"><br /></div>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-39604334645066548612023-08-28T17:12:00.000+02:002023-08-28T17:12:26.763+02:00Patochaes, abellugos y perles cultivaes...<p>Cuando Agostu da les boquiaes, tal paez que'l Ñuberu y Xuan de la Borrina vinieren de les vacaciones. Porque, dempués d'aguantar una seca descomanada y temperatures pa derritir l'untu, enfrescó y púnxose a echar agua.</p><div style="text-align: left;">Pero hoi tuvi una visita que me presto pola vida. Vinieron a veme Pinin y el Gaviotu, montaos nel madreñoxiru. Y el playu tráxome una paxa con cosuques de la mar y ente elles...¡ostres!.</div><div style="text-align: left;"><br /></div><div style="text-align: left;">-Bono, chachos, ¿qué tal van les coses pel mundu alantre, ho?.</div><div style="text-align: left;"><br /></div><div style="text-align: left;">-¡Meca, Xanu! -dixo Pinín-. Pel mundu alantre tenemos na nuestra casa una invasión turística de meter mieu. Allá pela montaña yá nun hai xente faciendo senderismu. Ye una lexón qu'anubre tolos requexos del país. Y cuando la ñatura s'enllena de xente, malo. La estroza ta asegurada.</div><div style="text-align: left;"><br /></div><div style="text-align: left;">-Pues pa la mariña otro tanto, maninos. Con esti riqui-raque de que somos un abellugu climáticu la xente h.ispia p'acá pa nun s'afogar de calor perhí abaxo. Y eso que na nuestra tierra tamién calca'l sol a embute y la seca amagüestalo too -comentó'l Gaviotu.</div><div style="text-align: left;"><br /></div><div style="text-align: left;">-Díxome apocayá un paxarín que nun para de perdese la xente. Los rescates que tienen de facer d'escursionistes escabarriaos mete mieu. Claro, el personal piensa que tán nun parque temáticu y dempués pasa lo que pasa -añadí yo.</div><div style="text-align: left;"><br /></div><div style="text-align: left;">-Hai una cosa que me fadia a embute -dixo'l Gaviotu-. Cualisquier persona que quiera mariscar pelos pedreros tien que tener la so correspondiente llicencia. Asina que si baxes p'allá a escarabicar y nun la tienes, puen llantate una multa si te pillen. Pero pel branu esto cambia pa la turistada. Enfilen pa los xigales families enteres armaos de redes, calderos, coses pa fustacar...y dedíquense a tratar de pañar o a molestar a tou bichu viviente que viva pellí. Y, por supuesto, nun pasa nada, ¡ca!, qu'al turismu hai que lu mimar, hom...</div><div style="text-align: left;"><br /></div><div style="text-align: left;">-Y otra cosa que yá da perceguera de lo repetitiva y cargante ye los de los récor. Que si récor de visites, d'agospios, de lo que seya. Venga batir récor darréu. A esi pasu, va aportar el momentu en que tengamos qu'andar engolaos unos enriba d'otros, rediosla -comentó Pinín-. Nun vamos coyer toos...<br /></div><div style="text-align: left;"><br /></div><div style="text-align: left;">-Pues cambiando d'espirica, equí traigo hoi una paxa con ostres del Eo pa rellamber un poco los focicos. ¡Y almeyor facémonos ricos y too!. ¡Como vengan atarraquitaes de perles...! -dixo'l Gaviotu arremellando los güeyos y echando una risotada.</div><div style="text-align: left;"><br /></div><div style="text-align: left;">-Ñon. Nun vos preocupar -añadió Pinín-. Equí, n'Asturies, les úniques perles que tenemos son eses cultivaes que suelten personaxes de toa mena y medios informativos de toa frasca. Porque lo qu'hai que sentir y lleer tolos díes...Hai una cosa que yá va más allá del ridículu. Ello ye que, cada vegada qu'un personaxe de per allalantrón ye ñoticia, yá s'arreglen los periódicos p'atopa-y dalguna vinculación con Asturies. El garrulismu que nos arrodia ye de traca.<br /></div><div style="text-align: left;"> </div><div style="text-align: left;">-¡Arreniego los demonios! -dixi yo empobinando pal barcal de la fonte-. ¡Vamos dexanos de perles empalagoses y a esfrutar un poco, cóime!. Veníi p'acá coles ostres y asitiáivos onde vos afayéis, que yo voi trayer unes botelluques de sidra pa dar remoyar los gargüelos...</div><div style="text-align: left;"> </div><div style="text-align: left;">Y de lo que pasó dempués nun necesito dicivos nada, que ya lo podéis imaxinar de sobra... <br /></div><div style="text-align: left;"> <br /></div>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-43784047846056756562023-05-12T10:33:00.001+02:002023-05-12T10:33:31.767+02:00Mayu paxarayu<p> "Marzu nialarzu, Abril güeveril, Mayu paxarayu, per San Xuan esnalarán, y per Santa Marina buscarán la vida".</p><div style="text-align: left;">Pues sí, yá tamos en Mayu paxarayu. Y tal paez que La Vieya afaló al Ñuberu y a Xuan de la Borrina a trabayar, trayendo la muga y l'agua, que yá yera hora y falta facíen.</div><div style="text-align: left;"><br /></div><div style="text-align: left;">Nun sé si vos comenté ayuri que'l mio amigu, el trasgu Manfurada, cuando anda aburríu, dedícase a pasar con una mano granos de semiente pel furacu de la otra. Pues d'esta traza taba hoi nun requexu del camín.</div><div style="text-align: left;"><br /></div><div style="text-align: left;">-¡Cóime, Manfuradina!. ¿Xugando al baloncestu con semiente, ho?.</div><div style="text-align: left;"><br /></div><div style="text-align: left;">-¡Qué tal, Xanu!. Pues pequí ando matando'l tiempu.</div><div style="text-align: left;"><br /></div><div style="text-align: left;">-¿Per ónde aduviesti esta temporada, hom?.</div><div style="text-align: left;"><br /></div><div style="text-align: left;">-Pues dediquéme a facer trastaes pela morada de Lluis de Turiellos. Pero voi dexalu un poco en paz, que bastantina tien el probe con agüeyar pa tantes llaceries qu'acuten esta tierra de nuestro.</div><div style="text-align: left;"><br /></div><div style="text-align: left;">-Pues va vaga-y esta temporada. Porque empicipió la campaña electoral y van ponemos la cabeza como un bote tirios y troyanos.</div><div style="text-align: left;"><br /></div><div style="text-align: left;">-Bono, a min ñon. Y a Lluis de Turiellos pámique tampoco. Porque tenemos una solución pa tornar a los charranes electorales.</div><div style="text-align: left;"><br /></div><div style="text-align: left;">-¡Adepuxa, cuenta, cuenta, Manfuradina, qu'igual m'interesa a min esi remediu!.</div><div style="text-align: left;"><br /></div><div style="text-align: left;">-Pues veras, la cosa ye mui cenciella. Yá sabes que la mayoría de les fuerces polítiques, unes refuguen direutamente l'asturianu y otres dicen defendelu y tar pola oficialidá, pero a la hora la verdá, cuando lu habríen d'usar, apliquen aquello de "habla tu en asturiano, que a mi me da la risa". Asina que dedíquense, unos y otros a sopelexar mensaxes electorales namás qu'en castellanu como cuentu risa. Entós nosotros, mientres esta campaña, namás que vaos a ser pa entender los mensaxes que vengan n'asturianu, y pa los otros, tenemos una amnesia llingüística tremenda.<br /></div><div style="text-align: left;"><br /></div><div style="text-align: left;">-¡Ai, hom!. ¿Pues sabes qué te digo?. Que a estes altures de la historia, nun usar con ñormalidá l'asturianu, y concretamente nuna campaña eleutoral, ye una clamorosa y rescamplante falta de respetu. Sí, miániques. Una falta descomanada de respetu pa cola xente asturianu falante, incluyendo tamién a los que falen davezu n'amestáu, que bien d'asturianu inclúi tamién, mialma. Asina que yo tamién voi faceme amnésicu pa con cualisquier mensaxe que nun venga nel nuesu idioma.<br /></div><div style="text-align: left;"><br /></div><div style="text-align: left;">-Pues sí, Xanu. Porque esa xente, en realidá, piensa que l'asturianu ye un idioma menor, poco importante, que, como la mayoría de los sos falantes son quien a entender el castellanu, pues fálen-yos nesti idioma, y el de so que lu usen en casina y que nun fadien con él.</div><div style="text-align: left;"> </div><div style="text-align: left;">-Esáutamente. Dedíquense namás que a facer un paripé, una comedia. Notros llugares del Estáu, esos mesmos partíos usen con total ñormalidá les sos llingües llariegues. Pero equí ñon. Porque, en realidá, equí nun creen nello. Y toa esa carrapotada xente que s'enfota nellos tán echándo-yos una gabita nel so paripé falsu y fuin. Allá ellos cola so conciencia.<br /></div><div style="text-align: left;"> </div><div style="text-align: left;">-Claro, Manfurada, claro. Esi movimientu social en favor del asturianu acoxa d'un tema básicu, fundamental y que, ensin él, tola reivindicación llingüítica namás que pue acabar ente dolco y la media manga. A esi movimientu social fálta-y un sofitu fundamental, que ye tener una fuerza política perpotente asitiada nes instituciones, qu'use davezu l'asturianu ensin dase, y que tenga la oficialidá d'esti idioma como una de les exes centrales de la so política asturiana y ñon como un llaveru d'adornu pa colgar del pantalón porque queda mui progre, que ye lo que faen agora.</div><div style="text-align: left;"> </div><div style="text-align: left;">-Ehí ta'l megollu la cuestión. La mayoría dafechu de la xente que reivindica un futuru pal nuestru idioma, son cotrarios a enxaretar fuerces polítiques propies, y anecien una y otra vuelta, en querer qu'eses otres fuerces foriates con sucursales ente nós, que reivindiquen l'asturianu ensin enfotase un res nello, seyan les que tiren p'alantre cola reivindicación llingüística. Y eso ye como querer que suene una campana ensin mayuelu. Nun lo va facer. </div><div style="text-align: left;"><br /></div><div style="text-align: left;">-Pues asina tamos, Xanu. Cola xente dando voces en castañéu y naguando por unes polítiques llingüístiques que nin les hai, nin les va haber. Pa botón d'amuesa ehí tenemos el desastre monumental d'esta llexislatura. Nun s'avanzó un garrapu. Pero nin siquiera quedó la cosa empatonada. ¡Ca!. ¡Reculóse!. ¡De traca!. ¡Reculóse!.<br /></div><div style="text-align: left;"><br /></div><div style="text-align: left;">-¡Claro, hom!. Y esa raxa va ser la que, na prósima llexislatura, va trayemos la cacarexada oficialidá. ¡D'ilusiones vivía'l tuntu los coyones!.</div><div style="text-align: left;"><br /></div><div style="text-align: left;">-Pues, bono, Manfuradina. Cuando veas a Lluis de Turiellos da-y recuerdos de la mio parte y bríndalu pa que pase pela llende'l mio caborniu a echar unos culetinos. Y agora voi tirar camín p'alantre aprovechando qu'abocanó un poco. ¿Y tu qué vas facer, ho?.</div><div style="text-align: left;"><br /></div><div style="text-align: left;">-Yo voi siguir equí un cachín más pasando semiente pel furacu de la mano. Que me paez más práutico y útil que dedicame a sentir promeses llingüístiques de quien nun les va cumplir y, pa rematala, nun idioma que nun ye'l míu...<br /></div><div style="text-align: left;"><br /></div><div style="text-align: left;"><br /></div>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-55214425490998006422023-04-03T12:30:00.001+02:002023-04-03T12:33:40.896+02:00Ramos, pegarates y espirches<div style="text-align: left;">Pinchéme con una espina</div><div style="text-align: left;">por coyer pa ti una flor.</div><div style="text-align: left;">La sangre quedó na rama</div><div style="text-align: left;">y el pinchu en mio corazón.</div><div style="text-align: left;">¡Ixuxú!. ¡Echa un culetín, Xanín!.</div><div style="text-align: left;"><br /></div><div style="text-align: left;">-¡Guo!. Cóime, Espi, veo que vienes mui gayaspera gue. Y con secañu, que yá me tas pidiendo unos culetinos...</div><div style="text-align: left;"><br /></div><div style="text-align: left;">-Sí, Xanu, tengo gana de remoyar el gargüelu con sidra, qu'esta mañana soleyera de primavera brinda pa ello.</div><div style="text-align: left;"><br /></div><div style="text-align: left;">-Pues agora saco una botelluca. ¿Pa ónde empobines, ne?.</div><div style="text-align: left;"><br /></div><div style="text-align: left;">-Voi pal castañéu a echar una güeyaduca. Ando inxertando, pañando cañes seques que cayeron, fradando...vamos, que tiempe hai pa trepar pellí.</div><div style="text-align: left;"><br /></div><div style="text-align: left;">-Pela villa camiento qu'andarán los padrinos y madrines acarretando pegarates. Yá foi'l domingu de ramos y agora toca llevar el bollu a los afiaos. ¿Tienes tu, ne?.</div><div style="text-align: left;"><br /></div><div style="text-align: left;">-Sí, ho, tento una afiada allá pa la mariña y precisamente mañana enfilo p'allá a lleva-y la pegarata, qu'esti añu yá me traxo la palma y el ramu lloréu.</div><div style="text-align: left;"><br /></div><div style="text-align: left;">-Sí, ye una tradición guapa esta d'apurrir palmes y ramos a los padrinos y recibir empara la pegarata. Y, a too esto, tamos pel tiempu d'otra tradicion bien prestosa. La de les espirches.</div><div style="text-align: left;"><br /></div><div style="text-align: left;">-Ye verdá, Xanu. Ye prestoso ver a la puerta d'un chigre llantáu un ramu de lloréu. Dempués entrar y adicar pa la pipa bautizada col so ñome y arrodiada de bien de coses pa comer. Y si hai daquién que s'anima a echar una asturianada o un grupín de sente que monte un coriquín, la prestancia medra enforma...Pero tampoco nun vamos a engañanos. La cultura les espirches tamién ta arregallando. La xente ta avezao a la sidra yá fecho, embotellao y d'echar. Entres nuna espircha y ves poca xente tastiando la sidra ñuevo de la pipa, que nun s'echa porque fálta-y un pocoñin p'acabar de facese. Nun saben mui bien a qué van, mialma.</div><div style="text-align: left;"><br /></div><div style="text-align: left;">-Ye que, alrodiu les espirches, hai toa una cultura tradicional. La so función ye la de prebar la sidra ñuevo del añu. Y el so sabor nun ye como lo de lo que yá ta fecho, embotellao y pa echar. Dir percorriendo les espirches pa prebar la sidra recién d'esti o aquel llagar ye toa una cultura tradicional que, como tantes otres coses na nuestra tierra, va quedando apostalgao.</div><div style="text-align: left;"><br /></div><div style="text-align: left;">Sentimos entós sonar unos esquilones y cantar un carru. Y eso ye señal de qu'anda per ende Pachín Boroña. Aportó aonde nós y ponse él:</div><div style="text-align: left;"><br /></div><div style="text-align: left;">-¡Rediósla!. Tan ceo y yá-y tais echando mano a la sidrina. Pues podíeis apurrime un culín, que'l mio gargüelu tamién ta pa ello.</div><div style="text-align: left;"><br /></div><div style="text-align: left;">-¡Claro, hom! -dixi yo mientres y echaba un culete-. ¿Y pa onde vas col carru y los armentíos, Pachín?.</div><div style="text-align: left;"><br /></div><div style="text-align: left;">-Voi por árgoma pa estrar y lleña pa tizar.</div><div style="text-align: left;"><br /></div><div style="text-align: left;">-Pues nós tábemos falando de ramos, pegarates y espirches -dixo Espi la Mariñana-. ¿Tu yes padrín, ho?.</div><div style="text-align: left;"><br /></div><div style="text-align: left;">-Sí, ne, tengo un afiáu que yá me traxo la palma y el ramu. Agora tócame a min lleva-y la pegarata. Y, del tema les espirches, yá entamé la mio pelegrinación añal pelos chigres a tastiar la sidra de les pipes y a forrar tamién l'estómagu de pasu.</div><div style="text-align: left;"><br /></div><div style="text-align: left;">-Pue d'eso tábemos charrando, Pachín, de que ta perdiéndose la cultura de prebar la sidra de la pipa y la xente va a les espirches a beber sidra embotellao y yá tresnao -dixi yo.</div><div style="text-align: left;"><br /></div><div style="text-align: left;">-Pues, na última espircha que tuvi, la pipa tenía un ñome mui prestosu, "La Soberana" -dixo entós Pachín chisgándome un güeyu como si esperare qu'Espi saltare echando una.</div><div style="text-align: left;"><br /></div><div style="text-align: left;">Y acertó, porque namás sentir esi ñome, Espi alendó, carpió, y arrestellando la voz gargoliómos esta:</div><div style="text-align: left;"><br /></div><div style="text-align: left;">¡La Soberana!.</div><div style="text-align: left;">La que va pela Pedrera</div><div style="text-align: left;">cómo ximielga la saya.</div><div style="text-align: left;">Como yo fuera con ella</div><div style="text-align: left;">muncho más la ximielgara</div><div style="text-align: left;">¡Ixuxú!. ¡Viva la viesca Dayuri!.</div><div style="text-align: left;"> </div><div style="text-align: left;">Y asina siguimos charrando y bebiendo un cachín más, que recibir visites de los amigos na llende del mio caborniu siempre ye prestoso y d'agradecer... <br /></div><div style="text-align: left;"><br /></div>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-70934952618625190362023-03-24T10:10:00.000+01:002023-03-24T10:10:56.107+01:00Hombrinos turradinos<div style="text-align: left;">Cuando vinieron a visitame la vegada cabera'l Gaviotu y Pinín quedaron en tornar llueu. Y el playu prometióme que me diba trayer una paxuca d'hombrinos, que ye un pexe que siempre me fixo de naguar. Yo préstenme bien turradinos, d'esos que los garres pela cola, lléveslos pa la boca y cómeslos con espina y too. </div><div style="text-align: left;"><br /></div><div style="text-align: left;">Pues güe aportaron ñavegando pel ríu nel madreñoxiru, porque esti artiluxu val tanto pa movese pel aire como pel agua.</div><div style="text-align: left;"><br /></div><div style="text-align: left;">-¡Mira, Xanu, equí ta la paxina con hombrinos que te prometí apocayá! -dixo'l Gaviotu.</div><div style="text-align: left;"><br /></div><div style="text-align: left;">-¡Gracies, ho!. Veníi, vamos caminando pa la llende'l caborniu pa charrar un pocoñín.</div><div style="text-align: left;"><br /></div><div style="text-align: left;">Empobinemos entós pa la mio morada y ellí punxímonos tranquilamente a echar una rocada.</div><div style="text-align: left;"><br /></div><div style="text-align: left;">-Yá entamó la temporada de la xarda -comenté yo.</div><div style="text-align: left;"><br /></div><div style="text-align: left;">-Pues sí -contestó'l Gaviotu-, yá lo fixo hai unos díes. Y, pa nun variar, la flota asturiana anda fadiada pol asuntu de los cupos, los precios y demás.</div><div style="text-align: left;"> </div><div style="text-align: left;">-Pues cuéntame, anda, a ver qué cóime pasó esta vez -dixi yo.</div><div style="text-align: left;"> </div><div style="text-align: left;">-Lo que pasa ye lo de siempre. A la hora de desquiñonar los cupos pa la xarda la flota asturiana ye la más perxudicada, namás que-y toca un catorce por cientu. Y calculen tamién que los precios, qu'andaben ente un sesenta y un ochenta céntimos el kilu, van baxar tamién.</div><div style="text-align: left;"> </div><div style="text-align: left;">-Recóime con esto de los precios -intervino entós Pinín-. La diferencia ente lo que-yos paguen a los pescadores y lo que te cobren na pescadería ye bultable. Y nun pasa col pescao namás. Ehí tenemos la diferencia de precios ente lo que-yos paguen a los agricultores y ganaderos y lo que nos cobren a la hora de dir al mercáu. Pero esti tema paez eternu y enxamás-y ponen igua.</div><div style="text-align: left;"><br /></div><div style="text-align: left;">-Bono, cada vez que facemos conceyu esto paez un camberu de llaceries. ¿Nun hai nenguna ñoticia prestosa, ho? -entrugué entós yo.</div><div style="text-align: left;"><br /></div><div style="text-align: left;">-Pues sí que la hai, hom, -contestó'l Gaviotu-. Porque ello ye que van empicipiar colos trámites pa declarar la ñavegación tradicional con vela llatina pela ría del Eo como bien d'interés cultural. A ver si l'asuntu prospera y llega a bon puertu, ñunca meyor dicho.</div><div style="text-align: left;"><br /></div><div style="text-align: left;">-Sí que sedría prestoso que se llograre esi oxetivu -intervino Pinín- y, de pasu, a ver si-y dan dalguna categoría cultural al mio madreñoxiru, recóime, qu'artiluxu más orixinal y autóctonu nun se vio nenyutes -remató riéndose'l guah.e.</div><div style="text-align: left;"><br /></div><div style="text-align: left;">-Pues pequí, pela viesca Dayuri, yá ta faciendo galanes la primavera. Los páxaros anden añerando, los árboles biltando, hai díes prestosos pa caminar escaleciendo col solín como güe...-comenté entós yo cambiando d'espirica.</div><div style="text-align: left;"><br /></div><div style="text-align: left;">-Toles estaciones tienen el so aquello de guapura -dixo'l Gaviotu-. Eso sí, cuando vienen col tiempu propiu d'elles. Porque yá veis que con esta llaceria del cambiu climáticu suel ser corriente qu'anden toes tracamundiaes y hai vegaes que tal paez que nun sabes en qué estación tas...A ver si esta primavera qu'estrenemos vien de verdá y ñon toa cambiada...</div><div style="text-align: left;"><br /></div><div style="text-align: left;">-A, hom, tengo una idea. Aprovechando que ta facienu un día prestosu, precisamente propiu de la primavera, escurro yo que podíamos dir a ñavegar un pocoñin pel ríu nel madreñoxiru y asina siguimos charrando. Y si tu, Xanu, saques unes de sidra, meyor tovía -propunxo entós Pinín.</div><div style="text-align: left;"><br /></div><div style="text-align: left;">Paeciónos estupenda la idea, pero antes de marchar póngome yo:</div><div style="text-align: left;"><br /></div><div style="text-align: left;">-Mirái, como tenemos vagar bastantina, voi tostar unos hombrinos, bien turradinos, pa llevalos de pinchu pa forrar colos culetinos de sidra, ¿acuéi?.</div><div style="text-align: left;"><br /></div><div style="text-align: left;">Y colos hombrinos y la sidra empobinemos pal madreñoxiru charrando tan guapamente pa siguir esfrutando d'esta mañana primaveral.<br /></div>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-58608693063891439642023-03-20T12:00:00.083+01:002023-03-20T12:00:00.198+01:00Xibla otra vuelta'l cuélebre<p>Allá, na cuguruta la viesca Dayuri, hai un pozu perfondu onde mora un cuélebre. Al pie d'él hai un ocalitón, que cuenten que ye'l más vieyu d'Asturies y l'unicu qu'hai en tol monte. Cuando'l cuélebre anda pecigañando, averámonos al ocalitón, pañamos entainando fueyes pa requemaos o fervinchos y h.ispiamos d'ellí.</p><p>Esta nueche'l cuélebre pasóla gufando y xiblando. Mal asuntu. Cuando lo fai ye señal de que daqué nun marcha bien per ende.</p><p>Salí esta mañana a dar un paséu col velocirraptor Masgallu. De sutrucu, sentimos que daquién daba como güelpes y empobinemos p'allá. Pa un llau del camín atopemos a la neanderthala Guoné, que taba acutiendo un regodón.</p><p>-¡Ayó, Guoné!. Veo que tas faciendo dalguna arbía de les tuyes.</p><p>-Sí, Xanu, equí toi trabayando un pocoñín. ¿Sintiesti esta nueche xiblar al cuélebre, ho?.</p><p>-¡Mialma que lu sentí!. Y cuando xibla y gufa ye que daqué nun marcha bien...</p><p>-Pues una cosa que ta asocediendo per estes dómines ye que yá entamó esi andanciu de tolos años de los montes amburando. Igual xiblaba por eso.</p><p>-Guapamente, Guoné. Unos pa camudar monte en pastu, otros p'aforrar de rozar. Y otros por facer dañu a costa fecha ensin finalidá dala, el casu ye que tolos años tenemos esta llaceria nos nuestros montes.</p><p>Sentimos entós madreñar y vimos que venía Lluis de Turiellos coles guedeyes colgado so la montera. Desque dexó aquella gorra marineru y la pipa de maíz pa ponese tou pinchu col traxe'l país, paez que ven menos pela viesca. Igual tien mieu d'emporcase. Pero güe aprució pequí y prestónos velu.</p><p>-¡Qué tal, bona xente! -dixo él sofitándose nel palancu. </p><p>-Cuantayá que nun apaecíes pequí, Lluis -dixo Guoné-. ¿Pa ónde enveredes?.</p><p>-Pues contaba dir hasta l'ocalitón a pañar unes fueyuques, que les mormeres primaverales son gafes y nun me gustaría garrar una ensin tener en casa miel y ocalitu pa facer requemaos o vafos.</p><p>-¡Ca!. ¡Eso nin lo suañes, cho! -contesté yo-. Lleva tola santa nueche xiblando'l cuélebre nel so pozu cabo l'ocalitón, asina que ta bien espiertu y xuégueste'l gargüelu si cuentes aprucir pellí.</p><p>-¡Rediósla!. ¡Pues acabóseme la escursión equí mesmo! -arrepostió Lluis arremellando los güeyos de medrana.</p><p>-Bono, y aprovechando la to visita, ¿Qué ñueves hai pela villa, ho? -entrugué-y yo.</p><p>-Pues yá anda la xermandía política faciendo precampaña, qu'alla pal mes de Mayu hai eleiciones autonómiques y municipales y yá tán echando a andar les maquinaries propagandístiques de los partíos. Asina que pellí, pa la villa, va vaganos escuchar a unos falando a monteraes, a otros echando la llingua a pacer, otros soltando bocayaes. Y toos prometiendo. Promeses y grandes y bonos propósitos a embute, eso que nun falte.</p><p>-Claro, son les dómines de too ello. Pero yá sabes, Lluis, en pasando tou esti xaréu, vien el tiempu de los escaezos. Munchu prometer. Munchu cuentu y rebilicoque. Pero, en viéndose empicorotiaos nel poder, lo prometío queda ente dolco y la media manga y tira que llibres -puntualizó Guoné.</p><p>Entós Lluis de Turiellos, arrascó'l cazu, miró p'allarribón, au ta'l pozu'l cuélebre, y ponse él:</p><p>-Comentáis qu'esta nueche xibló'l cuélebre. Pues podía baxar pa la villa a xibla-yos a dalgunos qu'anden gayoleros a lo tonto y a lo fato. Porque ello ye que, pellí abaxo, los paña migayes llingüísticos anden estos díes guirriando y rinflando talo que si-yos tocare la llotería.</p><p>-¿Entós?. ¿Cuála ye la última pascaxada d'esa tropa, ho? -entrugué yo.</p><p>-Pues ello ye que, dempués de cuarenta años llargos, a los socialistes dio-yos por sacar un cartelu n'asturianu ¡y armóse bien gorda!. A los paña migayes llingüísticos faltó-yos tiempu pa festexar el socesu, tirar voladores y bautizar como "históricu" esi fechu.</p><p>-¡Rediosla!. ¡Qué rápido escaeció esa xente la engañifa de la oficialidá amable, la llaceriosa llexislatura no llingüístico, onde se reculó y too!. Y cómo escaecieron tamién qu'esi partíu ye'l principal responsable políticu de la situación d'apostalgamientu del asturianu -dixo Guoné toa engrifada.</p><p>-Lo de siempre, amigos, lo de siempre. Munchu miserabilismu reivindicativu, munchu porgüeyu personal, muncha xigomencia... Nada ñuevo baxo'l sol. Y si vos cuento la última, ye pa mexar y nun echar gota. Resulta que ta rulando per ende una semeya d'un actu onde participó'l presidente y au se ve un llema n'asturianu onde la xe apaez tachada con una h.ota. Tou un rescamplíu que dexa a les clares qu'esi asturianismu llingüísticu d'última hora de los monxures que nos gobiernen nun ye má un podriellu secu y abirugáu -dixo Lluis.<br /></p><p>-Y munchu síndrome d'Estocolmo llingüísticu pue vese per dayures tamién -amesté yo-. Cuanto más frayen l'idioma, más ciñu-yos cueyen. Pa los paña migayes llingüísticos tal paez que fuera d'esi partíu nun hai más qu'un ermu tarrecible. Teo la impresión de qu'anguaño una bona parte del asturianismu llingüísticu nun va más allá de ser un chiringu más de los de siempre. Llamentable. Décades de reivindicación p'acabar asina.</p><p>Entós Guoné, poniéndose sollerte pa la cume'l monte, ponse ella:</p><p>-¡Callái!. ¡Escuchái!. ¡Ta xiblando y gufando'l cuélebre!. ¡Siéntese bien ñidio, mialma!.</p><p>Punximos Lluis y yo atención a lo que nos encamentaba la nuestra amiga neanderthala y, miániques, yera verdá. Los xiblíos del cuélebre retumbaben en tol monte. Respigábase ún el sentilos. La llercia entraba hata la cañamina. El picutorneru dexó de furar. Los raitanes de chiar. Los xilgueros de gorgoritiar, Masgallu acuruxóse tres un bardial...Namás que'l cuélebre se sentía per tolos requexos de la viesca Dayuri.</p><p>-Mal asuntu que'l cuélebre tea engrifáu d'esa manera. Avérense tiempos ñublos, collacios -dixo Lluis.</p><p>-Pues nun nos queda otra má nun aflacar -contestó Guoné.</p><p>-Tien razón la nuestra amiga -dixi yo-. La viesca Dayuri defendémosla con uñes y dientes. ¡Nun hai que se dar!.</p><p>-¡La Viesca Dayuri y Asturies entera!. Nin aflacar, nin dase. Nós p'alantre. Y quien quiera miagar y esfozar en duernu que vaya a tostar guiaes. Nin tán nel nuestru barcu nin nos guía'l mesmu faru -afitó Lluis.</p><p>-De secute, los xiblíos del cuélebre dexaron d'atorollar. El picutorneru, el raitán y el xilgueru tornaron a sentise. Masgallu púnxose gayasperu. Los árboles bancianon afalagaos por un airín primaveral prestosu... Y Guoné, Lluis y yo, empobinemos pa la llende'l caborniu a amugar los gargüelos con unos culetinos de sidra...</p>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-37586309756480294782023-03-12T11:38:00.000+01:002023-03-12T11:38:06.239+01:00Escuca la primavera<div style="text-align: left;">Cuquiellín del rei,</div><div style="text-align: left;">rabiquín d'escoba, </div><div style="text-align: left;">¿Cuántos años falten</div><div style="text-align: left;">d'equí a la mio boda?.</div><div style="text-align: left;">"Cu-cu, cu-cu...."</div><div style="text-align: left;"><br /></div><div style="text-align: left;">Pela viesca Dayuri yá escuca la primavera. Entamen los páxaros a facer los ñeros, que yá lo diz el dichu "Marzu nialarzu", Dellos árboles empicipien a biltar o a floriar, van xubiendo les temperatures...Pa finales de mes va aportar el cuquiellu, que va facer sentir el so cantíu pel monte. Los picutorneros fáense ñotar col so ruxerrux barrenando los árboles...Y tamos tamién nes dómines prestoses d'inxertar pa que la pañada, la vendimia o la gueta vengan de llantones de bona castra...<br /></div><div style="text-align: left;"> </div><div style="text-align: left;">Cuantayá que nun veníen a visitame Pinín y el Gaviotu. Aporten davezu xuntos. Y esta mañana aprucieron pela llende'l caborniu nel madreñoxiru. Posáronse, salí a la escontra de suyo, saludémonos y escomencipiemos a charrar.</div><div style="text-align: left;"> </div><div style="text-align: left;">-A, Gaviotu, anda la xente revolucionao p'allá pa la mariña -entrugué yo.</div><div style="text-align: left;"> </div><div style="text-align: left;">-Pues sí, Xanu. Ello ye que quieren llantar eólicos allá pa la mar y camienten los pixuetos que va oxa-yos la pesca. Asina qu'anden de cacíu revueltu reivindicando que nun-yos frayen enagora más un trabayu que yá pinta abegosu enforma.</div><div style="text-align: left;"> </div><div style="text-align: left;">-Yo, cada vegada que sal el tema de la mar y la pesca esnálame'l maxín pa les pescaderíes. ¡Menuda zuna y menudu andanciu qu'acutieron esos ñegocios, rediósla!. Que si rapito, nécora, buey de mar...¡tal paez que si lo castellanicen too va saber meyor el pescáu y el mariscu! -dixo entós Pinín.</div><div style="text-align: left;"> </div><div style="text-align: left;"> -Vamos dicir daqué prestoso del tema, hom, -permedié yo-. Yá emprimen a vese los oricios, qu'avecen a coincidir cola tenporada de les espirches. ¡Qué bien xuncen sidra y oricios, rediola!. Y dende allarribón, en madreñoxiru, ¿qué tal se ven les coses d'esti país nuestru, chachos?.</div><div style="text-align: left;"><br /></div><div style="text-align: left;">-De llaceria, Xanu, de llaceria, -dixo Pinín-. Problemes na sanidá, nel tren, nos xulgaos, problemes perdayuri que mires. Asturies ye como una finca n'abertal que va quedando pa monte, ensin rozar nin curiar. Echamos la culpa d'ello a los políticos, pero la sociedá tien la so parte bultable nel problema. Nun ponemos remangu pa nada, cómenos les sopes tol mundu. Y nin flin nin flan, nun empobinamos pa llau dalgún.</div><div style="text-align: left;"><br /></div><div style="text-align: left;">-Amigos, dende cuantayá qu'Asturies nun pinta un res -dixo'l Gaviotu-. El nuestro destín ye vivir zampuxaos nuna crisis de contino. Décades de crisis. Xeneraciones criaes nesi bierzu. Zunes sociales que se repiten. Discursos tronaos...¿Qu'hai aruelos au esbrexen pa que les coses empobinen per otru camín?. Pues sí. Pero minoritarios socialmente y, per agora, nun son a tornar les llaceries que nos arcoxen. Claro que, a lo meyor, la xente d'ellos habría de facer autocrítica y agüeyar la realidá con otros antueyos, nun vaya ser que nun se tean plantegando les coses de la manera más afayadiza...</div><div style="text-align: left;"><br /></div><div style="text-align: left;">-Yo camiento qu'equí hai xente que vien a facer lo del cuquiellu. Ponen el so güevu nel nuestru ñeru pa que lu güariemos y echemos alantre la pollerada. Enfotámonos siempre no foriato, guirriamos cuando vienen d'acullá colos sos proyeutos, pero éntranos floxera a la hora de sofitar lo llariego. Eso, en política, rescampla de manera escandalosa -comenté yo.</div><div style="text-align: left;"><br /></div><div style="text-align: left;">-En política y en tolo demás. La xente queda empapirotiao y amomiao colo de fuera. Pero lo de casa queda apostalgao davezu. Y quien quier tirar p'alantre con ello tien un camín pindiu y mal amañosu pa percorrer. Ente nós, dende cuantayá, el pesu del Estáu, y de lo foriato en xeneral, na nuestra sociedá foi pergrande. Eso creó unos comportamientos sociales de mirar glayando pal pa estatal o salvador estranxeru que güe nun van nenyures. Nun nos queda otra qu'acostumanos a construyir coles nuestres propies erbíes y covencenos que naida va venir a sacanos les castañes del fueu -dixo'l Gaviotu.</div><div style="text-align: left;"><br /></div><div style="text-align: left;">Entós miré p'arriba del monte, alendé y póngome yo:</div><div style="text-align: left;"><br /></div><div style="text-align: left;">-Como aportásteis ceo esta mañana tenemos tiempu a embute antes de xintar. Asina que, aprovechando que ta'l día soleyeru, podíamos dir a espurrir les piernes camín del requexu de la Fonte'l Güeyu y echa-y una güeyadina a la venus nel so abellugu. A ver si la ñatura nos trai bayura esti añu y bona collecha allá pa cuando aporte la seronda.</div><div style="text-align: left;"><br /></div><div style="text-align: left;">-Paezme estupendo -dixo'l Gaviotu.</div><div style="text-align: left;"><br /></div><div style="text-align: left;">-¡Vamos p'allá darréu! -gritó Pinín.</div><div style="text-align: left;"><br /></div><div style="text-align: left;">-Pues vamos enfilár camín p'alatre. Pasiar pela viesca ye una actividá prestosa y reconfortante -añadí yo-. A too esto, agora los mui modernos llámenlo "baños de viesca". ¡Lo qu'hai que lleer y sentir per ende!.</div><div style="text-align: left;"><br /></div><div style="text-align: left;">-¡Rediósla!. Yo bañame siempre foi na mar y, si acasu en dalgún ríu, ¡pero na viesca!. El qu'inventó eso hubo llevitar de puru enchipe pensando que descubriere daqué inorao pa la humanidá -sorprendióse'l Gaviotu.</div><div style="text-align: left;"><br /></div><div style="text-align: left;">Y allá empobinemos los tres monte alantre, camín de la Fonte'l Güeyu, mientres siguimos charrando y adicando guañar los árboles y gorgolitiar los páxaros pela viesca Dayuri...<br /></div>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-21599031699571437362023-02-20T10:42:00.000+01:002023-02-20T10:42:19.885+01:00El chacachá del tren y la llingua escarrilada<p>Saber cuándo anda pela viesca Dayuri'l mio amigu Pachín Boroña ye bien fácil. Basta con sentir rinchar un carru y sonar unos esquilones, y allá vien él acoyendo a la parexa. Ysaber cuándo anda Espi la Mariñana tamién ye fácil, porque apruz gargoliando una tonada. Pues hoi aportaron él y ella per equí. Salí a saludalos y entamemos a charrar.</p><div style="text-align: left;">-¿Pa ónde vas monte arriba col carru, Pachín?. Rozu tovía nun hai y la primavera yá escuca, asina que lleña igual nun te fai tampoco muncha falta.</div><div style="text-align: left;"> </div><div style="text-align: left;">-Toi entrenando, Xanu. El carru y los gües son el tresporte del futuru.</div><div style="text-align: left;"> </div><div style="text-align: left;">-Pues igual sí -intervino Espi-. Porque yá ves el xaréu qu'hai montáu colo de los trenes de FEVE.</div><div style="text-align: left;"> </div><div style="text-align: left;">-¡Cóime! -dixi yo-. Nun toi enteráu. Contái, contái...</div><div style="text-align: left;"> </div><div style="text-align: left;">-Pues que teníen encargaes unes cuantes unidaes pa la llinia y diéronse cuenta que ¡nun cueyen pelos túneles!. Asina que a buscar otres y a retrasar l'asuntu otra vegada más -contestó Pachín.</div><div style="text-align: left;"> </div><div style="text-align: left;">-¡Ah!. Y lo del soterramientu en Llangréu acabaránlu cuando les vaques pazan torniellos. Ye como'l cuentu de la bona pipa, nunca acaba. Cuando s'acerquen eleiciones entamen los trabayos y dempués queda pa prau -añadió Espi.</div><div style="text-align: left;"> </div><div style="text-align: left;">-Dexáisme plasmáu -dixi yo-. O, pensándolo meyor, nun me dexáis. Porque esto que me tais contando ye la manera que tienen davezu d'asoceder les coses per Asturies...Pues mala época pa ello, porque les eleiciones autonómiques y municipales tán ehí, a la vuelta de la esquina. Y pal gobiernu asturianu ye un carrobexazu curiosu.</div><div style="text-align: left;"> </div><div style="text-align: left;">-Yo véolos un pocoñín ñerviosos -dixo Pachín-. La drecha presenta candidatu nuevu y nun tienen claro cómo-yos va dir la cosa, anque n'Asturies los socialistes avecen a ganar anque presenten un meñacu de trapu pa encabezar les llistes. La xente vota ideoloxía, non xestión. Y ehí la izquierda suel ganar la partida.</div><div style="text-align: left;"> </div><div style="text-align: left;">-Pues sí qu'anden un poco ñerviosucos -permedió Espi-. Yá echaron per delantre a los tontos útiles pa facer el llabor puercu. Y esos tontos útiles son los asturianistes llingüísticos. Dexando l'idioma en segundu planu, puñaron escontra'l candidatu de la drecha con babayaes del tipu de cómo viste antes de que gorgutare pallabra sobre l'asturianu. Y, claro, cuando lo fixo dixo que nun diba variar la llinia política nesi sen. Probablemente nun lo diba facer de toles maneres, pero si lu turries antes de tiempu predispóneslu a posicionase escontra. Eso velo un escolín.</div><div style="text-align: left;"> </div><div style="text-align: left;">-Lo d'usar l'asturianu como asuntu secundariu y como morrillu p'aperrillar en política vien d'atrás. La drecha anguaño nun quier saber nada del asuntu. Pero la izquierda tienlo siempre como daqué p'adornase de progresía, pero, a la hora la verdá, enfotu nengún -comenté yo.</div><div style="text-align: left;"> </div><div style="text-align: left;">-Camiento que l'asturianismu llingüísticu, talu como lu conocemos hoi, ta en fase terminal -dixo Espi-. Unos capiando a la xente pa qu'entre na FSA. Otros, escribiendo en castellanu y pa tornalo dempués al asturianu. Académicos que nun lu falen. Escritores que tampoco. Amagüestos endogámicos a esgaya, como tamos viendo cola política llingüística nesta llexislatura. Despreciu absolutu a los falantes patrimoniales del idioma. Nenguna campaña dirixida a ellos...¡Desastre y cayida en barrena, chachos!.</div><div style="text-align: left;"> </div><div style="text-align: left;">-¡Ah!. Y presentar la oficialidá como una varina máxica, escaeciendo arrémente que, si fuere daveres y non "amable" podría ser una llave amañosa p'abrir puertes importantes pal asturianu, pero de garantizar dafechu la so recuperación, nada de nada. Y, precisamente, ta presentándose como esto cabero. Mirái la xente. Siguen escoyendo espresase en castellanu antes que n'asturianu. Vas a una pescadería y llees rapito, andaricas, caracolillos y demás patochaes a embute. Y eso son decisiones personales. Por muncha oficialidá que-y echemos al asuntu, nun van ponese d'un día pa otru a rotular n'asturianu nin a dexar de sustituilu pol castellanu. Prensa, radio, televisión, enseñanza, internet...son aperios qu'abren unes boleres enormes nes sebes del idioma. Y tornar esi camín ye revesoso enforma. Y si, pa detrás, hai esi despreciu polos falantes dende'l propiu asturianismu llingüísticu, acabemos de rematala. Más de cuarenta años reivindicando y los vezos sociales nun cambiaron migaya pa una bona parte de la población que sigue considerando l'asturianu cosa p'andar per casa y poco más -argumentó Pachín. <br /></div><div style="text-align: left;"> </div><div style="text-align: left;">-Yo pienso que dende cuantisimayá, dende los sos anicios pa ser más concretu, la reivindicación del asturianu ye un simple movimientu lliterariu, ruin y endogámicu. La llingua falada pinta poco o nada. Los falantes lo mesmo. Va dirixida a los neofalantes. Plantéguense les coses como si la llingua llariega fuere un idioma estranxeru. Defórmase. Invéntase. El güelu falante nun sabe qué rediós-y tán enseñando al nietu en clas d'asturianu...¡Per esa vía la llingua acaba escarrilada, chachos!.Y el final de too ello ye'l precipiciu que yá s'agüeya pal finxu'l cielu -dixi yo. </div><div style="text-align: left;"> </div><div style="text-align: left;">Quedemos un cachu en silenciu y entós, Pachín Boroña, mirando pa la rodiada, alendó y ponse él:</div><div style="text-align: left;"> </div><div style="text-align: left;">-Esto nun val. L'asturianismu llingüísticu d'anguaño ye una mierda fedionda pinchada nun palu. Nun sirve pa iguar nada. Namás que val pa ponese medalles cuatro boborolos. P'andar al rau de los monxures polítcos miagando-yos qu'echen unes migayen en duernu de los de siempre. Pa frayar a quien quiera trabayar pol idioma por simple ciñu pa con él. Y pa practicar una hipocresía que da voltura. Xente perinteresoso que quier usar l'asturianu buscando porgüeyu, pero, al empar, preséntándose a la sociedá como una xermandía sacrificada y heroica trabayando por una causa xusta. Da noxu. Yo nun quiero saber nin un res d'esa tropa zarrapastrosa. El so antroxu nun me la pega. Munchu d'esti personal, si nun saquen tayada de la reivindicación llingüística, déxenla pa prau. Y quien nun lo quiera ver que vaya a facéselo mirar, como suel dicise.</div><div style="text-align: left;"> </div><div style="text-align: left;">-Vamos, que nesti asuntu del idioma, el tren tampoco nun cueye pel túnel. Hai munchu interés apiláu como pa pasar per él. Asina que toca nun sofitar esa comedia, poner nel centru de la reivindicación a los falantes, non a cuatro mediocridaes lliteraries, y, si se quier reivindicar y buscar un futuru pa la llingua asturiana, empobinar per otru camín. Qu'esti namás que lleva al desaniciu -concluyí yo-. Y agora, Espi, mira ver si nos xubes la moral echándonos una, ne. Que yo yá tengo la cabeza como un bote con tou esti fregáu de trenes y porgüeyos llingüísticos...</div><div style="text-align: left;"> </div><div style="text-align: left;">-Pues eso ta fecho -dixo la mariñana-. Ehí va esta:</div><div style="text-align: left;"> </div><div style="text-align: left;">El tren nun cueye pel túnel</div><div style="text-align: left;">y asina nun pue pasar. </div><div style="text-align: left;">¡Menuda tropa escoyimos </div><div style="text-align: left;">pal llabor de gobernar!.</div><div style="text-align: left;">¡Ixuxú!. ¡Esi tren nin vien nin va!. <br /></div>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-81071272837304924422023-02-06T11:58:00.006+01:002023-02-09T08:42:18.382+01:00Camín del antroxu<div style="text-align: left;">L'añu fixo galanes en Xineru y espoxiga en Febreru. L'iviernu traxo'l fríu, l'agua, la ñeve y les xelaes. Bono too ello pa que repose la viesca y desanicien les gafures. Cada estación tien de ser lo de so, y nesta toca la ivernada.</div><div style="text-align: left;"><br /></div><div style="text-align: left;">Pali que pali, vamos enfilando pal antroxu. Que, en realidá, ye'l finxu final del ciclu de mazcaraes, aguilandos y comedies qu'entamó allá pa últimos del mes d'Avientu.</div><div style="text-align: left;"><br /></div><div style="text-align: left;">Y, concasando con estes dómines, hoi vieno a visitame Sidru'l Guirriu y sentémonos cabo'l caborniu a echar una rocada.</div><div style="text-align: left;"><br /></div><div style="text-align: left;">-Bono, Sidru, empobinamos pal domingu'l gordu y el martes d'antroxu...</div><div style="text-align: left;"><br /></div><div style="text-align: left;">-Pues sí, Xanu. Y con ello les pitances, retase echando a rodar el goxu ardiendo, les trastaes, les moxigangues, les comedies...y yo sigo per ende blincando, faciendo sonar los lloqueros y apurriendo la garapiña a les ñarices del personal.</div><div style="text-align: left;"><br /></div><div style="text-align: left;">-Tamién empobinamos pal carnaval, que nun ye lo mesmo que l'antroxu y onde lo foriato esporpolla anubriendo lo llariego. Anque lo bauticen tamién dayures como talu antroxu nun son lo mesmo.</div><div style="text-align: left;"><br /></div><div style="text-align: left;">-Claro, Xanu. La verdá ye que les mazcaraes d'iviernu aliten, recupérense delles, pero echalo too p'alantre ye revesoso bramente y la carrapotada de carnavales calcaos a les espantayaes que faen alluendi son un pilancu mui difícil d'arreblagar. Pero ye lo qu'hai, cho.</div><div style="text-align: left;"><br /></div>-Yo alcuérdome que, siendo un xanu rapacín, ocurrióseme un día de branu dir a dar un paséu con una montera de papel puesta na cabeza. Un paisanu vieyu, que fuera tambor nos sos tiempos, y qu'andaba fustacando pel bardial a la busca cascoxos, al veme d'aquelles traces, ponse él: "¡Antroxu fuera!". Daquella nun entendí por qué me lo gritare, pero tiempu dempués descubrí qu'esa espresión, amás de dicila pa brindar a la xente a antroxar, támién significa que nun hai que tener mieu, qu'hai que dexar los conplexos de llau y salir albintestate y p'alantre...<br /><div style="text-align: left;"><br /></div><div style="text-align: left;">-¡Mialma que ye una espresión bien amañosa pa los tiempos que cuerren!. Porque, ente unes coses y otres, andamos acuruxaos y cola moral fecha una llaceria. Bien taría llevantar los ánimos de la xente...</div><div style="text-align: left;"><br /></div><div style="text-align: left;">-Sí que cuerren malos tiempos, recóime. La verdá ye que n'Asturies pa recordar bonos tiempos cuesta abondu trabayu. Tan avezaos tamos a dir de contino picu a baxo y de tar picabaxo que...</div><div style="text-align: left;"><br /></div><div style="text-align: left;">-Amigu Xanu, ye qu'Asturies camudó nun llugar onde nunca nun pasa nada. Y si pasa ye pa dir a peor. Tamos arcoxaos al inmovilismu. A quien propón entamar daqué, aperríllenlu darréu. Equí con miagar pal Estáu a ver si nos echa en duernu unes migayuques yá se cumple. Tenemos mentalidá d'ermu y nun ermu tamos convirtiendo esta tierra de nuestro.</div><div style="text-align: left;"> </div><div style="text-align: left;">-Pues sí, Sidru. La nuestra sociedá padez l'andanciu del derrotismu, del inmovilismu y d'una falta d'enfotu nes propies fuerces que da medrana. Y curar una malura asina ye mui enguedeyao de llograr. Pasen los años, colen les décades y la nuestra historia contemporania paez un discu rayáu que nunca nun acaba d'avanzar.</div><div style="text-align: left;"> </div><div style="text-align: left;">Tábemos el mio amigu y yo d'esta manera dándo-y a la parpayuela cuando sentimos que daquién nos echaba voz mientres s'acercaba. Yera la neanderthala Guoné, que venía acarretando un coneyu que cazara.</div><div style="text-align: left;"> </div><div style="text-align: left;">-¡Ayó, rapazos!. ¿Qué tal vos va, ho? -dixo ella mientres posaba'l coneyu, sacaba d'una fardela una lláscara y entamaba ellí mesmo, delantre les nuestres ñarices, a esfollalu.</div><div style="text-align: left;"> </div><div style="text-align: left;">-Pues charrando del antroxu y de les malures qu'acuten a la sociedá asturiana, Guoné, -dixi yo.</div><div style="text-align: left;"> </div><div style="text-align: left;">-¡Rediósla!. Lo de les malures asturianes nun me finquen mayormente. La mio cultura heredada de cazadora y recolectora, y la bayura que tovía tenemos nesta viesca Dayuri, van llibrándome de pexigueres. Y lo del atroxu tenémoslo bien resuelto. Sidru'l Guirriu yá vemos cómo va. Y tu y yo, Xanu, con estes traces que llevamos vamos amazcaraos de sobra -respondió Guoné.</div><div style="text-align: left;"><br /></div><div style="text-align: left;">-De toles maneres, hai muncha xente que nos gana de llargo nesto de dir marutaos -comentó Sidru-. Porque cuántu falsu hai perdayures que va mazcaritáu tol añu, finxendo ser lo que nun son y tratando de dar el pegu too de siguío. Abenayá que vengo adicando una cosa que me llama l'atención. Cuanta más crisis y probitú hai, más faltosos surden que van perhí dándose importancia y aparentando ser xente de ringorrango, cuando, en realidá, anden escorexaos. ¡Esos sí que son unos artistes nel llabor d'antroxase, rediós...!</div><div style="text-align: left;"><br /></div><div style="text-align: left;">Diba averándose la hora de la xinta. Asina qu'ocurrióseme apurri-yos daqué a los mios amigos pa que fueren entonando'l butiellu. Entós, póngome yo:</div><div style="text-align: left;"><br /></div><div style="text-align: left;">-Mirái, ayeri pañé castañes de la cuerria y tuvi cociéndoles. Voi sacar un platáu d'elles y unes botelluques de sidra pa espellicar un poco antes de dir a xintar.</div><div style="text-align: left;"><br /></div><div style="text-align: left;">Paeció-yos estupenda la idea a Guoné y Sidru, saqué'l convite, y punxímonos a picar y a beber mientres siguimos un cachu más parllotiando. Que la danza sal de la panza, miániques, y na viesca Dayuri tovía tenemos la suerte de ser pa danzar...<br /></div>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-70639271965155550872022-12-21T12:30:00.007+01:002022-12-21T12:30:00.189+01:00Los raigaños del corazón de los rapacinos<div style="text-align: left;">Tamos yá caleyando pel mes d'Avientu. La viesca ta en reposu. La orbayada o la xelada anubren los praos al amanecerín. Díes seles pa pasiar pel monte. Esta mañana salimos Masgallu y yo a dar una revolada. Y per allarribón atopemos al capitan Peñafrancia, afatáu col so chapín con plumes y col mosquete al costazu.</div><div style="text-align: left;"> </div><div style="text-align: left;">-¡Cómes, Peñafrancia, cuantisimayá que nun te vía yo pequí!.</div><div style="text-align: left;"> </div><div style="text-align: left;">-¡Qué tal, Xanu!. Pues vine a prauticar puntería cola culera de dalgún furtivu, pero tovía nun atopé nengún.</div><div style="text-align: left;"> </div><div style="text-align: left;">-¿Y qué tal pela villa, ho?.</div><div style="text-align: left;"> </div><div style="text-align: left;">-Pues ando esmolecíu. Verás. El casu ye que me dio por poner la oreya a ver cómo fala la xente. Y concretamente los rapacinos, que son el futuru del nuestru idioma. Y la esperiencia foi llamentable. Ye de lo más corriente sentilos falar castellanu. Bien d'ellos nun pescancien lo que-yos dicen si-yos fales asturianu. Yo aforfúgome contemplando estes coses...</div><div style="text-align: left;"> </div><div style="text-align: left;">-Amigu Peñafrancia, los tiempos anden pergafos pa los idiomes minoritarios. Televisiones, radios, publicaciones, el mundu virtual, sopelexen los mensaxes nes llingües mayoritaries y van dexando apostalgaes les propies de la to tierra. N'Asturies esto rescampla abondo.</div><div style="text-align: left;"> </div><div style="text-align: left;">-Sí, Xanu. L'enguedeyu nesti asuntu ye bien gordu y difícil de desfacer. Pero nun ye namás qu'eso. Mesmamente da perceguera comprobar cómo bien de padres de la rapacería, magar seyan asturianu falantes, fálen-yos en castellanu, porque siguen avergoñándose del so idioma y piensen que ye lo meyor pa ellos...</div><div style="text-align: left;"> </div><div style="text-align: left;">-Bono, y dempués ta la estaya política. Notros llaos ponen dalgún procuru en curiar les llingües de so, pero equí yá vemos cómo pinta la cosa. Pasen los años y, envede sofitar l'asturianu y eonaviego dende los gobiernos de la Xunta Xeneral, dedíquense a pone-yos torgues o a dexalos escaecíos albintestate...</div><div style="text-align: left;"> </div><div style="text-align: left;">-Otramiente, si fincamos nel tema de la enseñanza...l'asturianu ehí pinta poco tirando pa nada. Y, claro, si axuntamos tolo que tamos falando, y daqué más que podríemos amestar, el finxu'l cielu apruz bien prietu...</div><div style="text-align: left;"> </div><div style="text-align: left;">-Toa una llaceria y un despropósitu, Peñafrancia. Mira, yo pienso que los rapacinos tienen un corazón que va echando raigaños, cañes y rames na so infancia y na so tierra. Si nun curiamos d'ello, tresmitiéndo-yos la nuestra historia, cultura, llingua...tamos arrampuñándo-yos el so mundu y la so infancia. Cola reciella hai que tener un enfotu especial a la hora d'amechar la so identidá asturiana. Porque son el futuru d'esti país y si pierden esa identidá malamente puen defender la so tierra y el so propiu futuru.</div><div style="text-align: left;"> </div><div style="text-align: left;">-Pues sí, Xanu. Nun nos queda otra que siguir puxando porque les coses empobinen per otru camín. Porque pel actual namás que puen enveredar pal desaniciu, y eso ye tarrecible y gafo dafechu. Y agora voi dexate y tirar monte p'alantre a ver si achisbo dalgúna coplera furtiva p'afinar la puntería...</div><div style="text-align: left;"> </div><div style="text-align: left;">-Pues a siguir bien, capitán. Y bones fiestes y entrada del añu nuevu...</div><div style="text-align: left;"> </div><div style="text-align: left;">-Igualmente, Xanu, igualmente... <br /></div>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-84413819450151035352022-11-21T13:33:00.000+01:002022-11-21T13:33:07.530+01:00Conceyos, autoestima, falar y escribir...<div style="text-align: left;">Vieno'l Ñuberu y traxo la ivernada. Yá yera hora, que con esto de qu'anda'l tiempu alloriáu col cambiu climáticu...Esta mañana abocanó pela Viesca Dayuri. Vi acercase pel camín a Espi la Mariñana y a Pachín Boroña que diben pal castañéu a la rebusca pa poner el ramu a la temporada d'amagüestos. Saludémonos y entamemos a charrar.</div><div style="text-align: left;"><br /></div><div style="text-align: left;">-¿Qué tal pel mundu rural, Pachín? -entrugué yo.</div><div style="text-align: left;"><br /></div><div style="text-align: left;">-Esgonciáu como too. Y, pa detrás, otra vuelta anden col riqui-raque d'axuntar conceyos. Claro, como los monxures políticos y sindicales piensen qu'esto ye una prolongación de la meseta...Pero ñon. Equí hai montes y bien de sitios revesosos pa salir y entrar, magar los avances en comunicaciones. Axuntar conceyos pue suponer a bien de xente andar esmolecíos de cacíu revueltu per ende pa iguar cualquier asuntu nel ayuntamientu. Y col avieyamientu de la nuestra población peor tovía.</div><div style="text-align: left;"><br /></div><div style="text-align: left;">-Mira, Pachín, cuando'l diablu nun tien que facer, espanta mosques col rau. La división alministrativa tradicional asturiana ye en parroquier y conceyos. Funcionó guapamente hasta agora, pero hai xente que nun-yos da pa otra cosa la cabeza. Hai qu'averar l'alministración a los ciudadanos y non alloñala, recóime -contesté-y yo.</div><div style="text-align: left;"><br /></div><div style="text-align: left;">-Estes coses pasen porque Asturies vien cayendo en barrena dende cuantayá -dixo Espi-. Equí refúgase, atácase y esgónciase lo propio. La cultura, la llingua, la historia y, claro, el territoriu. Vivimos ensin autoestima y, pa encima, practicando l'autoodiu. Dos andancios qu'acuten a la nuestra población y mandones dende allá de los tiempos...Forma too ello parte de la mesma macona del desaniciu. Y, pa detrás, coles nuestres instituciones remanaes por gandaya asturfóbico. Asina nun mos queda otra que dir de mal en peor.</div><div style="text-align: left;"> </div><div style="text-align: left;">-A too esto, yá que finques el tema del idioma. ¿Cómo va esi asuntu, ne? -dixi yo.</div><div style="text-align: left;"> </div><div style="text-align: left;">-Mal. La política llingüística d'esti gobiernu ye peor que la d'otros anteriores. Equí nun cuadren les declaraciones d'intenciones y la práutica. Quieren dexar morrer adulces al asturianu y eonaviego. Ye lo que t'acabo de dicir enantes, Xanu. Tamos empozaos nun procesu de desaniciu a tolos niveles. Y onde ticen esi fueu ye dientro les instituciones. O somos a engolar ellí a otra xente, qu'ame y curie esti país, o vamos pal cagüercu de los pueblos.</div><div style="text-align: left;"> </div><div style="text-align: left;">-Yo l'otru día pasóme un casu curiosu. Taba pel mercáu y vi a un escritor d'esos de sonadía y publicaciones emponderaes. Pero...¡falaba un castellanu que talamente paecía qu'acabare d'aportar de Valladolid!. La verdá, yo esto d'escribir n'asturianu y nun lo falar nun acaba de cuadrame. Asina nun se recupera nengún idioma, rediósla -comentó Pachín.</div><div style="text-align: left;"> </div><div style="text-align: left;">-Hai, hom, esa ye otra -dixo Espi-. Equí hai xente que tal paez que nun s'enterare tovía que la vitalidá d'un idioma mídese pol númberu de falantes, non de publicaciones. Bien de xente anecia n'escribir, pero non en falar. Claro que, almeyor, nun falen porque nun saben, y entós la cosa ye más grave inda. Porque podría tar pasando qu'haya xente escribiendo en castellanu, traduciéndolo al asturianu, y pasar por escritores nesti idioma de nuestro. Y eso ye facer trampa descaradamente -respondió Espi.</div><div style="text-align: left;"> </div><div style="text-align: left;">-La verdá ye que cada vegada qu'entamamos dalguna rocada y salen espiriques sobre Asturies pónseme un ñudu en gargüelu que m'añusga, cóime -permedié yo-. La nuestra tierra paez una esfoyaza onde en vez d'enriestrar panoyes, apúrrense llaceries...Voi calzar les madreñes y garrar el palu y empobinar con vosotros a la rebusca. A ver si falamos d'otres coses más prestoses. Por exemplu de les castañes, la gueta, los amagüestos, ¡y la sidra'l duernu!.</div><div style="text-align: left;"><br /></div><div style="text-align: left;">-Ah, yá que lo menciones, les castañes que venden per ende son foriates, porque paez que les d'equí déxense pa los xabalinos o los gochos. Hasta lleí apocaya anunciar un amagüestu poniendo l'orixe foriatu de les castañes como ganchu p'atrayer a la xente. Vivimos nel mundu al vies -comentó Pachín.</div><div style="text-align: left;"><br /></div><div style="text-align: left;">-¡La vircha, cho!. ¡Que nin de castañes vamos poder falar...!. Vamos entainar pal castañéu a ver si ellí espansionamos de tantu despropósitu... -brindé a los mios amigos enfilando camín p'alantre.</div><div style="text-align: left;"><br /></div><div style="text-align: left;">Y p'allá empobinemos mientres Espi nos echaba una:</div><div style="text-align: left;"><br /></div><div style="text-align: left;">"Amagostasti castañes</div><div style="text-align: left;">nun me convidasti a elles,</div><div style="text-align: left;">yá vendrás a que te faiga</div><div style="text-align: left;">otra macona d'estielles</div><div style="text-align: left;">¡Ixuxú!. ¡Viva la gueta y la sidra'l duernu!"<br /></div><div style="text-align: left;"><br /></div><div style="text-align: left;"><br /></div>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-81083392853677459742022-11-04T13:14:00.000+01:002022-11-04T13:14:06.384+01:00L'asturianu y los porgüeyos<div style="text-align: left;"> -Ah, Lluisín del alma, nun te marutes más, que nun soi a reconocete cuando vienes pela viesca.</div><div style="text-align: left;"> </div><div style="text-align: left;">-¡Ca!. Hoi nun vengo marutáu, Xanu, yo visto asina davezu.</div><div style="text-align: left;"> </div><div style="text-align: left;">Esta mañana vieno a visitame otra vuelta Lluis de Turiellos. Venía acompañáu d'Espi la Mariñana y de Xuan Moñiz d'Ambás. Entamemos entós a echar una rocada. Entós Xuan, faciendo ruxir una corexa, ponse él:</div><div style="text-align: left;"> </div><div style="text-align: left;">-Esto de la reivindicación del asturianu da pa muncho y hai delles tribes. Preséntase delantre la sociedá como daqué altruista y tien el so aquello de verdá. Pero non toa. Tamién hai porgüeyos y úsase l'idioma pa llogralos.</div><div style="text-align: left;"> </div><div style="text-align: left;">-Y cainismos. Equí nin son tolos que tán nin tán tolos que son -permedió Espi-. Y vien d'antiguo. Esi discursu tán mansuñáu de que vamos toos nel mesmu barcu nun cuela. Hai munchu amigu de desarmar boleres ayenes p'armar les de suyo.</div><div style="text-align: left;"> </div><div style="text-align: left;">-Lo de dir nel mesmu barcu ye pa tomalo a risa -intervino Lluis de Turiellos-. Ye un discursu peligrosu d'asumir. Si lo faes pues alcontrate nel momentu menos pensáu conque t'acaben botando pela borda.</div><div style="text-align: left;"> </div><div style="text-align: left;">-¡Rediosla, chachos, véovos yo pesimistes con eso del asturianismu y l'asturianu -comenté yo.</div><div style="text-align: left;"> </div><div style="text-align: left;">-Ye que nesti mundu del asturianu hai intereses y xente que se mueve por ellos. Y cuando hai eso, lo de la xermandía, el mesmu barcu, el puxar nel mesmu sen, y demás espiriques nun son má brindes al bonrollismu, a nun facer crítica pa nun mancar, a dexar que los de siempre remanen les coses al so antoxu. Y asina nos pinta -dixo Lluis.</div><div style="text-align: left;"> </div><div style="text-align: left;">-Esos porgüeyos queden albintestate namás que s'escarabique un migayín na trayeutoria del asturianismu contemporániu. Pero tampoco nun hai que dir mui lloñe pa velos. Ehí tenemos l'espectáculu llamentable que les tribes asturianistes dieron per aciu de la reforma l'estatutu y la oficialidá amable -comentó Espi.</div><div style="text-align: left;"><br /></div><div style="text-align: left;">-Sí. Bien de xente quedó en porricu nun va tanto y asoleyó que l'asturianu tien la so parte de porgüeyu pa ellos -puntualizó Xuan-. Porque vamos falar de papu sanu, alto y claro. Hailos qu'utilicen l'idioma pa facer carrera política, pa llograr un puestiquín, o p'algamar unes perruques pa montar el chiringu de turnu. Tamos mui lloñe de tener un movimientu de reivindicación llingüística candial, desinteresáu y solidariu.</div><div style="text-align: left;"><br /></div><div style="text-align: left;">-Tais dexándome empapirotiáu cola vuestra parrafada -dixi yo-. Nun ye otru tolo que rescampla nel asturianismu llingüísticu, mialma.</div><div style="text-align: left;"><br /></div><div style="text-align: left;">-Mirái, equí hai tamién llinies trazaes mui aquello -intervino Lluis de Turiellos-. L'intentu d'iguar formaciones polítiques propies qu'encontaren la reivindicación llingüística nun acabó d'esporpollar a lo llargo de los años. Pero la vía onde más s'enfotó la xente foi na del entrismu en formaciones d'ámbitu estatal. Dellos tiraron pal PP y yá vemos los grandes llogros d'esta formación pa col asturiau. Otros desembarcaron n'IU y tamién vemos en qué acabó la cosa, llevantándose de la mesa de ñegociación del estatutu. Y tán los qu'entraron na FSA, presentando un bagaxe de cuarenta años solmetándo-y al idioma y poniéndo-y el ramu al asuntu cola engañifa de la oficialidá amable.</div><div style="text-align: left;"><br /></div><div style="text-align: left;">-Yo lo que yá me ta dando la risa ye qu'estos díes hai xente que diz que van afiliase a esa FSA pa puxar pol asturianu. De traca. Yo sinceramente, pienso que lo faen pa buscase la vida na política, y que la reivindicación llingüística ye una sida namás -pemedió Espi la Mariñana-. Anguaño ta xugándose mui puerco nesti tema y lo que ta quedando ñidio ye que l'asturianu ye un tema secundariu dafechu pa una parte nada despreciable d'eso que conocemos como asturianismu llingüísticu. Y eso ye un problema mui gordu.</div><div style="text-align: left;"><br /></div><div style="text-align: left;">-Pues polo que vos toi sintiendo igual hai que sestaferiar caminos bien estremaos de los que siguen la xente interesoso. Y dexar mui claro que con ello nun se va dir en nengún barcu común, nin empobinar na mesma direicción, nin muncho menos creyer, sofitar o collaborar nes propuestes y proyeutos que planteguen -dixo yo yá bastante enfurruñáu colo que taba sintiendo.</div><div style="text-align: left;"><br /></div><div style="text-align: left;">Amosáronse los mios amigos d'alcuerdu colo qu'acababa de dicir yo. Empobinemos pa la llende'l mio caborniu. Saqué unes de sidra'l duernu y castañes amagostaes, y empicipiemos a saborgalo mientres siguíamos charrando sobre estes y otres cuestiones...<br /></div><p><br /></p>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-72224315206630769952022-10-25T15:01:00.000+02:002022-10-25T15:01:56.271+02:00L'efeutu eufóricu del verbu "prestar"<p> Llevamos varios díes d'airón y temperatures altes. Ello fai que les castañales tiren oricios como cuentu risa. Pero hai un problema, tiren los que yá tienen castañes madures, pero tamién otros que tovía les tienen ensin madurecer. </p><p>Diba tiempu que D. Quixote de Caravia nun aprucía per equí. Hoi fíxolo cuando yo taba acabante xintar.</p><p>-¡Qué tal, D. Quixote, abenayá que nun te veía.</p><p>-Hola, Xanu, vengo a ver si espansiono un poco, porque pasen coses que me tienen la cabeza alloriada.</p><p>-Yá te veo qu'andes coloráu y como esbabayándote. ¿D'ónde te vien esa roxura, ho?.</p><p>-Pues del verbu "prestar", que polo que se ve tien efeutos eufóricos.</p><p>-¡Rediola!. ¡Nunca tala cosa sentí!. ¿Y cómo produz esos efectos, ho?.</p><p>-Pues, últimamente, cuando lu sientes mecíu cola monarquía. Verás. Ello ye que l'otru día la reina d'España averóse a un puestu asturianu nun certame y dixo "cómo me presta". Y entós, sopelexóse la fras per ende y armóse gorda.</p><p>-Armase gorda por eso...nun lo acabo de ver...¿Qué tien de tan especial qu'usare esi verbu asturianu?.</p><p>-Pues qu'hubo xente que tuvo a piques de llevitar. Paeció-yos que la cosa diba tener una gran trescendencia, que diben a taramiellar los cimientos de la política y de la llingüística y que la reivindicación del asturianu diba dar un reblagu curiosu.</p><p>-Vamos ver, hom, vamos ver. Eso ye un momentu concretu y una fras coloquial que nun tienen percorríu. De fechu, yá se sumieron los efeutos de la mesma. Porque en realidá nun tuvo nengún. Yo pámidea que'l personal anda mui necesitáu d'algamar finxos nel camín de la reivindicación llingüística y agárrase a o que sea enfotándose ensin sofitancia real.</p><p>-Mira, Xanu. Equí rescampla lo de siempres. Ente pidir que se plasme la utopía darréu y conformate con cualisquier cosa hai términos medios. Una parte del asturianismu llingüísticu lleva cuantisimayá avezada a conformase con migayes. Y cualisquier cosuca que-yos pongan delantre yá-yos paez bultable y valoratible pal idioma. Y nun ye eso. Hai que tener más chapeta, más arguyu y más nivel d'esixencia cuando se reivindica l'asturianu. Y nun cayer n'eufories fates. Miagar por migayes pue llevar a un duernu y poco más. </p><p>-Amigu D. Quixote, toi alcordándome agora de tol xaréu que se montó colo de la oficialidá amable. La xente enfotándose en que diba aportar, rebaxando los niveles d'esixencia hasta límites llaceriosos. Y yá vimos en qué quedó too. Una tomadura de pelo más. Y van... <br /></p><p>-Pues sí. Y van...siguir con tomadures de pelo hasta'l día del xuiciu final. Persaben del baxu nivel d'esixencia que se tien nesti tema del idioma. Conocen l'envizcamientu de bien de xente colos monxures políticos centraliegos, confíen nellos, nun-yos esixen namás que pasiquinos, detallucos, migayes, como dicíamos antes. Y ellos encantaos y a lo suyo, que ye dexar al asturianu morrer adulces.</p><p>-Esauto. Acabes de dar nel clavu, amigu D. Quixote. La so estratexa dende siempres ye la de dexar morrer al idioma adulces, alimentándolu namás que con migayes y presentándolo too como avances de cara a la galería. Siempres se trata de facer lo insuficiente. Nunca d'entamar polítiques llingüístiques arreches, valientes y qu'emburrien p'alantre daveres al asturianu.</p><p>-Ye que, Xanu, lo d'esta llexislatura ye pa echalo a voces. Tán peor que nes anteriores. A nivel de discursu munchu apoyu al idioma, muncha oficialidá amable, pero a la hora la verdá nun tán faciendo un res. Y vamos falar alto y claro, ta quedando retratada una parte relevante del asturianismu llingüísticu que ye cómpliz y alcagüete necesariu de la que ta asocediendo. Total, que tamos na recta final d'una llexislatura que va pasar ensin pena nin gloria y camudando unos entamos discursivos mui aquello en favor del asturianu nuna realidá frustrante dafechu.<br /></p><p>-Sí. Y n'acabándola entamarán otra vuelta a tirar l'anzuelu de les promeses, a dicir que pa la viniente sí va encetase lo de la oficialidá con remangu. Y otra vuelta esi asturianismu llingüísticu de les migayes a enfotase nellos y a entrar n'euforia con quién sabe qué menugancies...De pena y dolor, Quixotín de alma.</p><p>-Bono, Xanu, voi siguir camín p'alantre a ver si paño dalgunes castañes p'amagostar pela nueche. Que de los otros amagüestos yá toi empalagáu y camiento que vamos siguir papando a embute, por desgracia.</p><p>-Dígotelo yo. Que guetes dalgo curioso polo menos y qu'espansiones un poco, qu'esto ta como pa salir corriendo...<br /></p>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-41534499219830291002022-10-09T13:36:00.004+02:002022-10-09T13:36:55.563+02:00 Gueta, amagüestos...y anuncies<div style="text-align: left;">Siguimos avanzando pela seronda. Desnúdense, pali que pali, los árboles de les fueyes. La collecha avanza. Nes mañanes soleyeres relluz la orbayada que se posó nos praos...Veo pel camín a daquién que nun conozo. Avérase a min y entós ¡menuda sorpresa!. Trátase de Lluis de Turiellos con unes traces que pa qué. Dexó atrás la gorra marineru y la pipa de maíz y vien con una llira nun brazu y una corona de lloréu na cabeza.</div><div style="text-align: left;"><br /></div><div style="text-align: left;">-¡Rediós, Lluis, menudu cambiu d'imaxe...!</div><div style="text-align: left;"><br /></div><div style="text-align: left;">-Pues sí, Xanu, entróme'l rixu de camudar en rapsoda a l'antigua usanza. Y equí me ves con estes pintes. Y tamién sé lo que tas pensando. Porque cada vez qu'aportamos dalguna amistá de la villa, póneste a naguar esperando poles nueves que trayemos.</div><div style="text-align: left;"><br /></div><div style="text-align: left;">-Esautamente, Lluis, venga, suelta lo que traes en papu...</div><div style="text-align: left;"><br /></div><div style="text-align: left;">-Pues anda'l personal a la tema col asuntu de la reforma del Molinón con vistes de ser sede del mundial de fútbol del añu 2.030. Fálase d'un proyeutu descomanáu. Unos tán a favor, hailos qu'escontra. Pero la rivalidá ente Uviéu y Xixón xorrasca'l fueu de les discordies que mete mieu. Claro que per agora los alderiques van sobre suposiciones. El proyeutu enagora nun se fixo públicu. El coste, tampoco. Y quién paga la financiación menos. Lo llóxico sedría esperar a conocelo too ello pa debatir sobre daqué concreto. Pero'l deporte de tirase carrobexazos a lo xole tien una gran querencia ente nós, asina que nello tán tirios y troyanos.</div><div style="text-align: left;"><br /></div><div style="text-align: left;">-Díxome ayeri un paxarín qu'anduviere la vicepresidenta del gobiernu español pequí. ¿Ye verdá, ho?.</div><div style="text-align: left;"><br /></div><div style="text-align: left;">-Pues sí, Xanu, ye verdá. Vieno a presentar un nuevu proyeutu políticu y fixo una visita a l'ALLA, con declaraciones y semeyes per dambes partes. Pero, en temes llingüísticos, equí tenemos que face-y casu al dichu de que na rula nun pregunten, apunten. Y, nesi sen, los fechos canten. L'asturianu nun ye oficial. Nun se cumple la Llei d'Usu. Nun hai especialidá docente. Ta atrancáu'l tema na enseñanza. Nun s'avanza nos medios de comunicación. Na Xunta Xeneral nun lo usen, sacantes dacuando en plan testimonial. Incúmplese la toponimia...Y eso ye lo qu'hai daveres. Lo apalpuñable y real. ¿Y cómo van les coses pela Viesca Dayuri, ho?.</div><div style="text-align: left;"><br /></div><div style="text-align: left;">-Pues metíos dafechu na seronda. Yá entamen a soltar los primeros oricios les castañales. Pequí hasta doblar el mes d'Ochobre nun se gueta en condiciones, suponiendo qu'esti añu la tengamos curiosa, que cola seca que nos acutió esti branu, ver veremos...A too esto, yá sabes qu'Espi la Mariñana danos permisu a toles amistaes pa que pañemos nel so castañéu cuando nos pete...</div><div style="text-align: left;"><br /></div><div style="text-align: left;">-Yá lo sé, yá. Pero teníamos qu'echar voz per ende pa xuntanos a guetar, da-y a la parpayuela y echar dalgún cantar y rinflíu. Que la tradición de la gueta ye una de les actividaes más prestoses que tenemos per estes dómines.</div><div style="text-align: left;"><br /></div><div style="text-align: left;">-Pues sí, Lluis, a ver si nos axuntamos pa trepar pelos castañeos. Y pa entamar a facer dalgún amagüestu, onde nun falte, arriendes de les castañes, la sidra'l duernu, que ye otra tradición perprestosa d'esta época.</div><div style="text-align: left;"><br /></div><div style="text-align: left;">-Bono, Xanu, voi siguir caleyando monte alantre. Y cuando venga l'aire les castañes, ten cuidáu, que dicen qu'alloria a la xente. Yo yá me dió bien de vegaes y mira de qué traces ando...</div><div style="text-align: left;"><br /></div><div style="text-align: left;">-Pues yo d'alloriáu tengo tamién bastante. Pero abúltame que, si nos comparamos con bien de xente qu'anda per ende, tamos de lo más cuerdos, mialma.</div><div style="text-align: left;"><br /></div><div style="text-align: left;">-Sí que ye verdá, sí. Ta llueguín, Xanu, y hasta la parrafada viniente.</div><div style="text-align: left;"><br /></div><div style="text-align: left;">-Ta llueu, Lluis, y aver si esta seronda tenemos bona gueta...<br /></div><div style="text-align: left;"><br /></div><div style="text-align: left;"><br /></div><div style="text-align: left;"><br /></div><div style="text-align: left;"><br /></div>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-10068293815109986242022-09-28T19:33:00.000+02:002022-09-28T19:33:54.852+02:00Fueyes de seronda<p>Entremos na seronda. La dómina de la collecha, la mayada y la gueta. La viesca va dir, pali que pali, anubriéndose con una pintalarrama de colores que son tou un afalagu pal caminante. Vieno la muga y eso ye perbono, que'l branu tráxomos seca abondo. Siento que daquien cózcase pela carril. Ye'l mio amigu Pachín Boroña.<br /></p><p>-Qué tal, Pachín, supi que veníes pela carril porque sentí cantar al carru y sonar los esquilones de los gües.</p><p>-Sí, Xanu, voi ver si paño daqué lleña pa tizar, que yá entamen a enfrescar los díes y quédanos tovía por pasar casi tola seronda y l'iviernu.</p><p>-Ún de los ñicios de que tamos na seronda ye que yá se puen agüeyar, nes mañanes soleyeres, los praos relluciendo cubiertos pola orbayada...Y, a too esto, que yá sabes que cuando venís a visitame d'allabaxón éntrame'l pruyiciu por saber les nueves qu'hai...</p><p>-Claro qu'hai nueves, Xanu. El tema del tren ye como'l cuentu de ñunca acabar. Agora resulta que pa dir de Llaviana a Xixón tárdase más que nos años cuarenta del sieglu pasáu cuando funcionaba coles locomotores a vapor. </p><p>-¡Rediosla, cho!. Y dempués anden encamentando a la xente que dexen guardaos los coches porque contaminen. Pues d'esta manera, menudu xaréu pal que tenga que garrar el tren pa trabayar. Tendrá que madrugar a esgaya pa llegar, si llega...</p><p>Entós empicipió a sonreir Pachín de sutrucu, entrugué-y a qué se debía, y ponse él:</p><p>-Pues qu'hoi traigo una ñoticia prestosa, hom. Resulta que nos madriles echaron pa casa a Mallada y quieren poner otra persona pa encabezar les llistes de los populares per Asturies.</p><p>-Pues llueve sobre moyao, Pachín. Porque la so predecesora, Cherines, acabó h.ispiando pa casa tamién.</p><p>-Claro, Xanu, pero ye normal. A naide con dos deos de frente se-y ocurre tener como ún de los temes estrella de la llexislatura andar de cruzada escontra d'un idioma, porque nin los tos propios votantes lo pescancien. Si te paez una refugaya, pues déxeslu nun segundu planu y dediques la xera a otres coses. Pero non, zapicaron nesi erru estes dos cabezaleres y acabaron nel mesmu sitiu, pa casa. Y como quien venga agora siga per esi camín acaben tosquilándolu tamién.</p><p>-Bono, yá tamos na época de pañar nos pumares, mayar, pisar y echar nes pipes. Y ensin escaecer tampoco que pal occidente tán tamién na dómina de ponese colos llabores de la vendimia y entamala col vinu...</p><p>-Y d'equí a poco vamos andar a la gueta, y vendrán los potes de castañes y los amagüestos, Xanu...</p><p>-Pues sí, yá entamen a cayer les fueyes na seronda anunciando la collecha. Una época prestosa del añu y bien guapa pa los que nos presta caleyar pelos nuestros montes y viesques, Pachín.</p><p>-Mialma que sí, Xanu. Agora voi siguir carril p'alantre a pola lleña. Pa otru día echamos otra parrafada y yá te daré más nueves que vayan pasando. Ta llueguín.</p><p>-Ta llueu Pachín. Y mánda-yos un saludu a les mios amistaes de la villa... <br /></p><p><br /></p>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-11019673946636385482022-09-16T10:30:00.000+02:002022-09-16T10:30:21.218+02:00Llueve<p>Hubo un tiempu onde los xelos anubríen esta tierra qu'hoi triamos. Vivíen nella mamuts, rinocerontes, bisontes, renos...Y les tribes humanes abellugaben en cueves au dexaben plasmaes nes sos paredes figures y signos. Tamién tallaben figures femenines rechonchudes que bautizamos anguaño como venus pa capiar los favores de la fertilidá que posibilitare la supervivencia.</p><p>Cuantayá falevos del requexu de la Fonte'l Güeyu. Ellí ta agospiada una compia de la venus de la Riera pa que favoreza la guaña na viesca Dayuri. De mañanina empobinemos p'allá Masgallu y yo xubíu nos mios zancos pa resalvar l'aquello de ser ñarru y poder escucar penriba bardiales y muries. Va unos díes qu'entamó a llover dempués d'un branu secu y chornosu. Les nuestres viesques sufren con ello, porque'l nuestru clima ye de muga y non de sequedá. </p><p>Cuando aportemos ellí vimos que la fonte taba camudada nuna pimpana, pero ensin qu'escosare. Agora, col agua que ta cayendo camiento que va tornar a echar más y recuperase. Fui pa onde ta la venus y tuvi agüeyando pa ella un cachín mientres la mio imaxinación esnalaba p'aquelles dómines abegoses de llucha pola supervivencia. Tando asina clisáu recordé un testu prestosu de Mª Xosefa Canellada. Nél referíase al tirón telúricu del home rural astur, que, xunto col cántabru, podía conservar al traviés del tiempu dalgunos raigaños d'aquellos ancestros. El mamut d'El Pindal recuérdanoslos. Los bisontes de bien de cueves tamién. Los antropomorfos. La nuestra venus.</p><p>El casu ye que vieno l'agua y que seya bienllegada. Yo espero que sirva pa ver si les castañales recuperen un pocoñín y que los oricios que tienen nes sos cañes puedan danos daqué gueta pa esta seronda. Nótense dalgunes coles fueyes como chamuscaes. Aguantaron abondu sol, miániques, y eso ye lo que nos tan amosando a la so manera.</p><p>Dempués de tar un cachu nel requexu la Fonte'l Güeyu, enllené un vexigu d'agua y col mio amigu Masgallu enveredemos camín de vuelta pa la llende'l caborniu. Cuando yá taba cerca d'ella atopé al mio amigu Xuan Moñiz d'Ambás y punxímonos a charrar un pocoñín.</p><p>-Qué tal Xuan, escoyisti un día d'agua pa venir a pasiar pel monte.</p><p>-Pues sí, Xanu. Fíxilo arrémente. Quiero moyame, sentir la muga na piel, goler la humedanza, ver pingar al mofu, los árboles y el felechu. L'agua remocícame la mente, faime espansionar y píntame de maraviya. Y más dempués de la seca que tuvimos hasta agora, recóime...</p><p>-Yo vengo del requexu de la Fonte'l Güeyu pa garrar fuelgu tamién y somorguiame nesti día llentu y d'agua. ¿Traes dalguna nueva de la villa, ho?.</p><p>-Les úniques anuncies que traigo ye que pasa lo de siempre, o seya, que nun pasa nada. Nesti país nuestru paez que paró'l tiempu y repítese siempre lo mesmo como'l que rutia una morciella. La creatividá ta en sucu baxeru y la mediocridá empicorotiada. Les endogamies y llurigues amiguistes siguen a lo suyo, ándase al rau de monxures que nun aporten má inmovilismu y fracasos. Yo yá nun siento otra cosa que nun seya noxu, cascancia, repunancia. Asina qu'enfilar a esta viesca de nuestro ye la única salida amañosa que se m'ocurre pa nun alloriar empatonáu nesi mundu repititivu y cafiante.</p><p>-Bono, Xuan, onde nun hai cabeza tien d'haber rau. Equí adórase abondo a ídolos con pies de barru, a xente que tien perdemostrao que nun aporta nenyures. Tratar d'inxertar nesi mundu daqué ñovedoso ye escentellase una y mil vegaes escontra la mesma muria. La galbana intelectual, la rocea a les espiriques qu'aporten otres idees y salides, les mafies y los amagüestos tribales, llevamos de magar la Transición enguedeyaos colo mesmo y colos mesmos. Y nortiar asina un futuru vidable ye perdifícil d'imaxinar.</p><p>-Pues ye lo que tenemos, Xanu. Menos mal que nos queda esta viesca pa vivir otres realidaes. Pa poder charrar con un trasgu, o una neanderthala, pa poder ver pacer vaques y reciella, pero tamién contemplar un mamth, un velociraptor o un rinoceronte llanudu. La imaxinación tien los sos reinos inda nes nuestres sociedaes materialistes y egocéntriques. Y hai que saber buscar esos sitios máxicos onde reinen los colores del arcu la vieya y súmense los finxos del cielu sinsustancia...</p><p>-La imaxinación al poder, que dicíen allá nun va tanto...Pero abúltame que tamos nunes dómines onde la imaxinación anda a años lluz d'asitiase nes cugurutes del poder y fai bastantina con safase de que la estrapayen dafechu.</p><p>-Pues sí, amigu Xanu. ¿Sabes lo que toi escurriendo agora?. Voi empobinar pal requexu de la Fonte'l Güeyu a ver la venus, l'agua esquitando, el verdor...Y voi pasar un cachín relleendo a los clásicos de la nuestra lliteratura, que traigo dalgún llibru en zurrón, y que son los únicos que lleo acuantayá. A ver si esconsoña la mio imaxinación y desatranca de tanta mediocridá lliterartia actual empicorotiada a lo xole pola endogamia y la inorancia. Y dempués igual escribo un sonetucu, que me ta entrando'l pruyiciu por encoplar y tengo unes botellines vacíes en casa pa metelu nuna y echalu a la mar pa que ñavegue llibre a la busca d'otres costes y otros mundos onde la imaxinación tenga atrocáu'l sitiu que merez...<br /></p>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-5400055909789315362022-08-25T11:00:00.006+02:002022-08-26T09:28:22.063+02:00Mores, prunos y truches<div style="text-align: left;">Ayeri, acababa yo d'almorzar cuando senti sonar como una berrona p'hacia'l camín. Fui a escucar p'allá y vi que s'acercaba la mio amiga, la neanderthala Guoné, arreblagada nel mamut Atú, ñome que-y punxo porque pa llamalu diz "A, tu...". Saludémonos y empicipiemos a charrar un pocoñín.</div><div style="text-align: left;"> </div><div style="text-align: left;">-¿Pa ónde empobináis, Guoné?. </div><div style="text-align: left;"><br /></div><div style="text-align: left;">-Pues vamos pa un requexu qu'hai pacullá, cerca d'un pielgu del ríu, que ye la mapa de les mores y les prunales. Voi ver si cueyo daqué y, de pasu, pescar un camberu de truches pa xintar hoi...Y a ti, ¿cómo te va, Xanu?.</div><div style="text-align: left;"><br /></div><div style="text-align: left;">-Yo ando peresmolecíu col branu que nos vieno. Hai una seca tremenda. Los praos tan roxos y nun dan. A los árboles séquen-yos cañes y tiren aína la fruta ensin madurecer...Nun sé yo qué collecha va haber pa la seronda esti añu, nun sé...</div><div style="text-align: left;"><br /></div><div style="text-align: left;">-Pues tienes razón. Yo cada vegada tengo que me desplazar más lloñe pa cazar, porque los animales busquen requexos llentos pa comer. Y la fonte qu'hai onde vivo foi perdiendo agua y agora malpenes ye una pimpanina que pue acabar escosando d'equí a poco. Mal asuntu, mialma...</div><div style="text-align: left;"><br /></div><div style="text-align: left;">Tábemos asina parllando, cuando sentimos ruxir unos lloqueros y, d'un blincu cola so piértiga, púnxosenos delantre Sidru'l Guirriu. Saludémoslu, apurriónos la garapiña qu'arrecendía a romeru, y póngome yo:</div><div style="text-align: left;"><br /></div><div style="text-align: left;">-¡Cóime, Sidru!. Véote un poco apolmonáu...</div><div style="text-align: left;"><br /></div><div style="text-align: left;">-Normal. Ye que vengo fuxendo.</div><div style="text-align: left;"><br /></div><div style="text-align: left;">-¿Fuxendo de qué? -permedió Guoné.</div><div style="text-align: left;"> </div><div style="text-align: left;">-Pues d'Uviéu. De magar llantaron aquella banderona, ser asturianu y movese pela capital ye p'andar roceanu. L'asturianu ta desaniciáu de cualisquier usu institucional. Ponen en peligru los edificios del arte asturianu colo de la ronda esa, les cadenes de la Universidá estorben y gústen-yos más poner ehí terraces, y la última yá ye pa ponese a mexar y nun echar gota.</div><div style="text-align: left;"> </div><div style="text-align: left;">-¿La última?. ¿Sigue la recatafila de despropósitos capitalinos? -entrugúe yo.</div><div style="text-align: left;"> </div><div style="text-align: left;">-Pues sí. Resulta que van prohibir vender sidra nes casetes de les fiestes de San Matéu. De traca. Apocayá autodeclaráronse capital de la sidra y agora pónen-y estorbises. Lo d'esta xente ye tremendo. La zuna que-y tienen a tolo asturiano abúltame enfermiza. Sal dafechu de lo imaxinable.</div><div style="text-align: left;"> </div><div style="text-align: left;">-Yo camiento que tienen un xen estropiáu -intervino Guoné-. El xen de la supervivencia asturiana como pueblu. Puñar contra lo propio ye un suicidiu. Nun se-y ocurre a naide medio normal. Ye como si la viesca Dayuri nos diere repunancia y la entamáremos a mete-y fueu. Al final, cavaríamos el nuestru propiu cagüercu. Sí, mialma, esta xente tien un xen estropiáu y abondo.</div><div style="text-align: left;"> </div><div style="text-align: left;">Entós Atú pañó cola trompa daqué y apurriómoslo. Yera un cachu periódicu que dalgún pisapraos dexó tiráu como puxarra. Eché-y yo una güeyada y quedé clisáu.</div><div style="text-align: left;"> </div><div style="text-align: left;">-¡Rediosla!. ¡Voi tener que resfregar los güeyos, porque esto que toi lleendo nun pue ser verdá!.</div><div style="text-align: left;"> </div><div style="text-align: left;">-¡Cuenta, cuenta, Xanu!. ¿Qué trai ehí, ho? -entrugaron Guoné y Sidru a empar.</div><div style="text-align: left;"> </div><div style="text-align: left;">-Pues qu'equí a llau, pa Cantabria, prohibieron que canten los gallos, cuchar y que suenen les esquiles del ganáu. Paez ser que molesten al turismu rural.</div><div style="text-align: left;"> </div><div style="text-align: left;">-Bono, esto vien d'atrás y ta pasando per dayures -dixo Sidru-. Lo del cantu los gallos yá provocó xareos enforma. Tamién hai xente que denuncia les moñiques que dexen les vaques. El cuchu nun se pue tener a la vista. Pero lo de les esquiles nun lo sabía yo. ¡A ver si agora me van multar por facer sonar los mios lloqueros per ende, recóime...!. Y güeyu, qu'estes zunes escontra lo rural hailes per bien de sitios y ente nós tamién.</div><div style="text-align: left;"> </div><div style="text-align: left;">-Pues ehí tenéis otra amuesa más de lo alloquecida que ta la sociedá de los sapiens, amigos, -dixo Guoné-. La prioridá hai que la dar a la xente que vive y trabaya nel campu. Si hai urbanites que quieren pasar una temporada ellí tienen que saber lo qu'hai, adautase o nun dir. Pero agora resulta que cuatro turistes refalfiaos van dictar les normes de vida nel mundu rural. Resulta perdifícil de creyer, pero el camín que tán estaferiando nes nuetres aldees ye esi, el del desaniciu...</div><div style="text-align: left;"> </div><div style="text-align: left;">Y asina tuvi un cachu charrando colos mios amigos d'estes y otres coses más. Dempués, Sidru alloñóse blincando monte alantre, Guoné siguió camín del requexu del pielgu del riu y yo torné pa la llende del caborniu pensando qu'esti mundu ta llaráu de xente que tien el xen de la supervivencia estropiáu, miániques que sí... <br /></div><div style="text-align: left;"> <br /></div>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-15484491159810807362022-07-27T13:21:00.000+02:002022-07-27T13:21:39.762+02:00Foles de calor y pisapraos<div style="text-align: left;">Sigo avanzando na igua del códiz onde voi dir reflexando los aconteceres de la viesca Dayuri. Pues ello ye que taba esta mañana acabando una miñatura cuando'l velociraptor Masgallu avisó que taba averándose daquién a la llende'l caborniu. Y, mialma, tratábase d'una visita prestosa, porque cuantayá que nun atopaba per equí a Xuan de la Borrina acompañáu de la muyer barbuda y la perra llanuda. Saludémonos, punxéronse la perruca y Masgallu a enredar, y nós entamemos a parlotiar tan guapamente.</div><div style="text-align: left;"><br /></div><div style="text-align: left;">-Pues, Xanu, ando folgando bastante esti branu. Y ello por mor de les foles de calor que faen que nun necesite andar escamplando ñublines per ende. La verdá ye que toi trabayando bien poco porque la xente que trepa pel monte nun esconxuren casi nada -dixo Xuan.</div><div style="text-align: left;"><br /></div><div style="text-align: left;">-La que debe tener más xera que tu ye Santa Bárbola, porque los díes chornosos puen acabar cola ñube, la truena y hasta refocilos, y hai xente qu'invoca entós a esta santa cristiana -contesté yo-. Esto de les foles de calor yo figúraseme que sedrá otra engatada del dichosu cambiu climáticu. Anque díes chornosos pel branu siempre hebo, lo que pasa que tantos de siguío y metiéndonos neses temperatures tan altes yá ye otra cosa.</div><div style="text-align: left;"><br /></div><div style="text-align: left;">-Los díes soleyeros son afayadizos pa los llabores del branu -dixo la muyer barbuda-. La xente que tien qu'andar a la yerba va poder facelo, si aguanten el calorazu, porque con estos díes nidios... El problema ta en que, si se prolonguen enforma y vienen calcando d'esta manera, tamién apaez la seca, les fontes queden como pimpanes, los regatos escosen, los praos nun dan... </div><div style="text-align: left;"><br /></div><div style="text-align: left;">-Y tenemos otra vuelta la llaceria de los incendios forestales. Tolos años aprucen per dayures. Nun falla. Unes vegaes por cuenta d'un rayu...pero otres por culpa de unos sapiens que de sabencia amuesen bien poca, mialma -comenté yo.</div><div style="text-align: left;"><br /></div><div style="text-align: left;">-Yá podemos ver per ende la folada del turismu -dixo Xuan-. Y equí tenemos otra llaceria. D'un llau, hai turistes respetuosos cola natura y que vienen a espansionar y conocer la nuestra tierra. Pero dempués tenemos a los que yá se conocen como pisapraos, esos de respetar nada de nada.</div><div style="text-align: left;"><br /></div><div style="text-align: left;">-La verdá ye qu'esos pisapraos son tremendos -añadió la muyer barbuda-. Con un menú pa dos quieren xintar cuatro. Si ven perros o gatos sueltos arramplen con ellos pensando que nun tienen amu. Si nun atopen ónde aparcar, nun se corten n'invadir una quintana y meter el coche sol horru...¡menudu andanciu que son!.</div><div style="text-align: left;"><br /></div><div style="text-align: left;">-Y la puxarra que van dexando perhí. Nun solo ye que contamine, porque si tires cascos de vidriu pente la maleza puen facer un efeutu llupa y prender el fueu -añadí yo-. Y pa la mariña nin vos cuento. Yo ver esos ensames d'adultos y rapacinos armaos con calderos redes y palos pa fustacar pelos pedreros a ver qué pesquen danme una perceguera tremenda. ¡Qué zuna con pensar que los animales son xuguetes, rediosla!.<br /></div><div style="text-align: left;"><br /></div><div style="text-align: left;">-A, Xanu, andamos col gargüelu bastante secañosu. ¿Nun tendrás unes de sidra enfrescando en regatu, ho? -comentó entós Xuan de la Borrina chisgándome un güeyu.</div><div style="text-align: left;"><br /></div><div style="text-align: left;">-Bah, bah, ¡como si nun me conocieres, Xuan. Vamos ponenos a la solombra y amusgar los gargüelos! -contesté-y yo.</div><div style="text-align: left;"> </div><div style="text-align: left;">Asina que fui pal regatu a por unes botelluques, empobinemos pa un carbayón a esfrutar de la solombra y del airín de les sos fueyes al xiringase y entamemos a trasegar unos culetinos. Entós póngome yo:</div><div style="text-align: left;"><br /></div><div style="text-align: left;">-Yá tán los garrapiellos de los ablanos faciéndonos de naguar. Engorden les ñueces. Los oricios de les castañales déxense ver pa dir medrando. Nos bardiales madurecen les mores...Presta pasiar pela ñatura un día guapu y soleyeru del branu.</div><div style="text-align: left;"><br /></div><div style="text-align: left;">-La ñatura ye bayura, Xanu, -dixo Xuan-. Y curiala ye como curiar el somantu onde mos añicó Asturies...<br /></div>Lluis de Turiellos http://www.blogger.com/profile/03418614416333440672noreply@blogger.comtag:blogger.com,1999:blog-7942178940854651723.post-66746422840952530902022-07-06T16:00:00.002+02:002022-07-06T16:00:00.206+02:00Xintando baxo una faya<div style="text-align: left;">"Dios quiera que nun me falten</div><div style="text-align: left;">una escudiellina fabes</div><div style="text-align: left;">y un garitín de boroña</div><div style="text-align: left;">pa poder acompangales"</div><div style="text-align: left;">¡Ixuxú!. ¡La danza sal de la panza!.<br /></div><div style="text-align: left;"> </div><div style="text-align: left;">Saber cuándo anda Espi la Mariñana pela viesca Dayuri ye bien facil. Si nun canta, rinfla o grita daqué, nun s'afaya. Esta mañana aprució chóquele-chóquele pel camín con un fatu encolingáu nun palu que llevaba al costazu.</div><div style="text-align: left;"><br /></div><div style="text-align: left;">-¡Cóime Espe!. Con esi fatu a la espalda paeces un vagarientu buscando una casa posafuelles...</div><div style="text-align: left;"><br /></div><div style="text-align: left;">-Amigu, Xanu, ¿tu nunca sentisti eso de trayer daqué como oru en pañu?. Pues eso ye lo que traigo yo hoi nesti fatu, que de pañu ye, mialma.</div><div style="text-align: left;"><br /></div><div style="text-align: left;">-¡Meca!. ¿Y qué ye eso tán valoratible qu'acarretes ehí, ne?.</div><div style="text-align: left;"><br /></div><div style="text-align: left;">-Pues verás, como ta faciendo un día soleyeru y prestosu de branu, escurrí convidate a xintar. Y equí traigo la comida. Mira.</div><div style="text-align: left;"><br /></div><div style="text-align: left;">Entós Espi, descolgó'l fatu del palu, esfexo los ñudos y entamé a naguar too darréu. Entós, póngome yo:</div><div style="text-align: left;"><br /></div><div style="text-align: left;">-¡Rediola!. Un quesu gamonéu del puertu, un choscu de Tinéu, una pamesta de pan de sucu y unes ambozaes de cereces. ¡Pa rellamber los focicos, neña!.</div><div style="text-align: left;"><br /></div><div style="text-align: left;">-Lo único que nun traxi foi la bebida. Como siempres tienes unes botellines de sidra enfrescando...</div><div style="text-align: left;"><br /></div><div style="text-align: left;">-Por supuesto. Voi pal regatu a pola sidrina y dempués saco un sábanu del caborniu pa ponenos a xintar debaxo d'aquella faya d'ellí, que da una solombra y un frescor qu'afalaguen...</div><div style="text-align: left;"><br /></div><div style="text-align: left;">Y p'allá empobinemos. Espurrimos el sábanu so la faya, sacó la Mariñana una ñavaya de Taramundi y entamó a desquiñonar aquellos manxares, mientres yo echaba los primeros culinos de sidra.</div><div style="text-align: left;"><br /></div><div style="text-align: left;">-Pues yá anda la xente trepando cola xera de la yerba -comenté yo.</div><div style="text-align: left;"><br /></div><div style="text-align: left;">-Sí, Xanu. Anque agora cambió muncho esi llabor porque ta too mecanizao. Pa segar, pa recoyer, pa facer rollos de yerba endolcaos en plásticu. Eso de cabruñar y facer balagares y vares de yerba casi que pasó a la historia, anque tovía se ve daqué per ende.</div><div style="text-align: left;"><br /></div><div style="text-align: left;">-Yá. El trabayu de les quintanes camudó abondo. Pero'l llabor hai que lu facer igual y sigue costando sudu, anque nun ye la matancia d'otros tiempos cuando se segaba a gadaña, había qu'esmarallar, voltiar, embalagar, too ensin maquinaria. Y xuncir tamién p'acarretar...</div><div style="text-align: left;"><br /></div><div style="text-align: left;">-Yo préstame pola vida'l golor de la yerba. Cuando ta segao recién y cuando yá ta curao. Asina que cuando toi pasiando per dayures y anden a la yerba, esi arrecender ye pa min como si fuere un arume que da gloria.</div><div style="text-align: left;"><br /></div><div style="text-align: left;">-Hoi vamos a xintar con cereces. Pero yá tenemos ehí les ablanes y les mores, Espi.</div><div style="text-align: left;"><br /></div><div style="text-align: left;">-Yo les ablanes de garrapiellu siempre anduvi a elles. Y pañar mores pelos bardiales pa comeles con vinu y zúcare...¡ai, hom!.</div><div style="text-align: left;"><br /></div><div style="text-align: left;">-Pasé l'otru día pel to castañéu y veo que lu tienes rozadín y curiosu.</div><div style="text-align: left;"><br /></div><div style="text-align: left;">-Sí, Xanu, rozar el monte ye bono pa los árboles y pa tornar esi andanciu que nos acute tolos años de los incendios. Allá pa la seronda yá t'avisaré a ti y a los demás amigos pa dir a la gueta. A ver si esti añu vien pa la mano y tenemos collecha, que va unes temporaes que nun ye mui abondosa...</div><div style="text-align: left;"><br /></div><div style="text-align: left;">Y xintando y charrando fuimos dando bona cuenta del quesu, el choscu, el pan de sucu, les cereces y les botellines de sidra que, ¡ca! cayó más d'una. Reposemos bien la dixestión a la solombra y airín de la faya y aportó'l momentu de despidinos. Entós dixi yo a Espi.</div><div style="text-align: left;"><br /></div><div style="text-align: left;">-Bono, pues esi fatu que traxisti vas volver a añudalu y colgalu de palu, que te voi dar una sorpresuca pa que lleves pa casa.</div><div style="text-align: left;"><br /></div><div style="text-align: left;">Saqué entós del caborniu unes ambozaes d'ablanes de garrapiellu y apurri-yles a Espi qu'arremelló los güeyos al velos y ponse ella:</div><div style="text-align: left;"><br /></div><div style="text-align: left;">-¡Recóime, Xanu!. ¡Ablanines de garrapiellu!. Daca que les endolque nel fatu. Yá tengo pa entreteneme rucando en llegando pa casa...Pero nun pienses que voi colar ensin echate una, ho. Ehí va esa:</div><div style="text-align: left;"><br /></div><div style="text-align: left;">"Xunci les vaques, Ramona,</div><div style="text-align: left;">que nos vamos pa la yerba. </div><div style="text-align: left;">Cátame un zapicu lleche,</div><div style="text-align: left;">que tengo seca la llengua"</div><div style="text-align: left;">¡Ixuxú!. ¡Viva la viesca Dayuri!.</div><div style="text-align: left;"> </div><div style="text-align: left;">-¡Viva!. <br /></div><div style="text-align: left;"><br /></div><div style="text-align: left;">Y col cantar despidímonos la mio amiga Espi y yo, dempués d'una xornada prestosa de branu xintando, pimplando y dándo-y bien a la parpayuela...</div><div style="text-align: left;"><br /></div>Lluis de Turiellos http://www.blogger.com/profile/03418614416333440672noreply@blogger.com