Dacuando cuéntenme anécdotes que nun me caen embaxo. L'otru día tuvieron pasiando pela mio viesca un grupu docentes y ún d'ellos cuntóme lo que vos relato.
Tando un maestru nun aula d'un colexu dando clas a rapacinos d'ente seis y siete años, ún d'ellos pidió-y permisu pa dir facer l'aquello. Dió-ylu y l'escolín empobinó pa la puerta, abrióla y salió, pero nun la volvió a zarrar polo que se-yos escapaba'l calorín del aula.
Asina que'l maestru llamó al guah.e y díxo-y:
-- ¡¡Andrés, ¿tú que yes de Madrid, ho?!!--
Y va'l rapacín, dando la vuelta, arremellando unos güeyos como platos y tou trescendente va y respuende:
--¡¡Non. Yo soi de Cagüeñes!!--
